麥美恩吳若希培訓「仔仔」驚變欺凌

麥美恩（Mayanne）及吳若希（Jinny）昨日亮相真人騷《女王的密令》記者會，節目中二人化身星級經理人，率領八位男參賽者（仔仔）接受演藝特訓。Mayanne自爆監製樂易玲構思節目時率先找她，她再推介好姊妹Jinny拍檔。Mayanne笑說︰「樂小姐搵我哋，可能想畀機會我哋公器私用。」

Mayanne表示拍攝期間感觸落淚︰「有仔仔覺得懷才不遇，搞到我好嬲，我當年選港姐輸咗之後都無放棄，我都唔係一開始就做大騷司儀。」二人笑指樂小姐要驗收拍攝成果時，她們非常緊張。Jinny說︰「好怕樂小姐發現貨不對辦，我同Mayanne會被雪藏。」Mayanne則笑說怕得罪樂小姐後再得罪觀眾︰「我哋拍時驚變咗做欺凌，所以成日互相提醒。」