U Beauty Awards 2022丨Coffee囝囝極抗拒新外傭姐姐 放學唔見媽媽喊到收唔到掣

今日一眾藝人出席「U Beauty Awards Ceremony」，「U Beauty Awards 2022」由《U Beauty》主辦，《U Lifestyle》、《U Magazine》及《晴報》協辦，各奬項候選名單由U Beauty編輯選出，最後由讀者投選出Best for U的護膚及美妝好物，善待自己的肌膚與身體。

同場加映： 岑麗香獲大仔英雄救美讚Man爆 未敢再生B：怕自己處理唔到

{{hket:ul-video id="7102"}}{{/hket:ul-video}}

其中由電視藝人轉型為瑜伽導師嘅林芊妤Coffee形象健康，今日奪得《U Beauty 健康美麗大獎》。Coffee笑稱自己係健康膚色，問到佢自己健康之餘係咪都Mon住全家健康，佢表示：「因為我而家工作忙碌，又要處理自己生意，而家有個新姐姐到咗，終於唔使自己煮嘢食同做家務，我都同佢講少鹽少油少糖，通常菜都係烚。因為屋企有小朋友就盡量唔好食太鹹同重味精嘢。」

{{hket:inline-image name="WhatsAp.jpeg"}}{{/hket:inline-image}}

Coffee舊姐姐早前回鄉同自己囝囝團聚，因此就請嚟另一位外傭，佢表示囝囝（彥彥）非常抗拒新姐姐：「好慘呀，佢會話『我唔要佢呀，可唔可以叫佢入廚房，我唔想見到佢個樣呀』，好彩姐姐唔識聽廣東話，呢段適應時間我好攰囉，因為佢要差唔多24小時黐住我，喺屋企每隔2分鐘就嗌媽咪，以前係唔會咁。因為佢見到而家屋企有陌生人，要我畀安全感佢。」

Coffee指而家要趁囝囝返學時間工作：「噚日因為開會遲咗少少，我叫姐姐接佢放學，姐姐話佢由校巴見到佢開始喊，返到屋企見到我先完結，我見到佢口罩濕晒。」而老公工作亦非常忙碌，所以都由Coffee主力湊囝囝：「而家女性好勁，又湊仔，又做生意，都唔可以有怨言。」佢稱讚姐姐煮飯同做家務都妥當，係喺湊小朋友方面要佢做中間人慢慢適應。

另一位藝人陳宗澤（CY）獲頒「活力時尚之最大獎」，佢指自己經常紮紮跳，又喜歡各種球類運動，係活力擔當，但近日因工作忙碌，故未有時間觀看世界盃。年尾頒獎將至，問CY可有信心獲獎？佢表示：「我無太過諗獎項，反而比較著重作品完成度夠唔夠高，或者夠唔夠表演到自己聲線同情感，有獎就係bonus，無就檢討吓自己。」比起獎項，CY更希望舉辦一個屬於自己的演唱會，「我有同公司反映過，但都要大家支持，第一次開騷想喺star hall舉行，因為我喺嗰度出道，呢個舞台畀到我信心同回憶，希望出年年尾真係可以實行。」