仔仔一堂丨王賢誌自爆鍾意過某位男藝人 談婚後出軌：大家同意就唔算啦

王賢誌（Vinci）近日主持的J2節目《仔仔一堂》引起不少話題，10位參加配對的男同志都成為熱搜的對象。Vinci近日接受林柏希《月傾會》的訪問，大談作為同志的出櫃心路歷程。Vinci是東華三院的前主席，亦是節目監製，問到最喜歡的身分是甚麼？他說：「最鍾意係做人老公，結婚係開心事，我哋拍咗7年拖，結婚都6年，（點解認定係周思聰Kevin？）冇得解，係感覺，佢係我初戀，Kevin係同我完全兩個世界嘅人，佢識煮飯、種植同養動物，平時睇YouTube片係睇劏魚、鋸木；我就鍾意睇騷、表演同時裝，我同佢好唔同，反而喺對方身上發掘到唔同話題。」

同場加映：炎明熹唱歌老師│ 高晨維曾因屋企破產離開香港樂壇 以過來人身分陪伴學生經歷起跌

{{hket:ul-video id="7022"}}{{/hket:ul-video}}

王賢誌與朋友上 「海洋光譜號」玩 有船員確診被迫落船真掃興【下一頁】

{{hket:inline-image name="HHO03184.jpeg"}}{{/hket:inline-image}}

{{hket:inline-image name="HHO03142.jpeg"}}{{/hket:inline-image}}

王賢誌坦言廿幾歲就已經向家人坦承出櫃，不過由於當年甚少資訊，認識同志圈子是非常困難，「我30幾歲前唔飲酒，亦唔會去蒲，所以識唔到人。」他稱入行之後，由於沒有戀愛經驗，所以對經常見面的主持或者拍劇拍檔，很容易就會產生好感，林柏希追問是否陳鍵鋒？他說：「有少少，幾有好感但未至於好鍾意，（唔通崔建邦咩？）話唔定崔建邦都有呢？總知有外形同才華我就可以，因為我唔識其他人，如果再約佢出去，我就覺得有拍拖感覺好開心。」林柏希不斷猜測到底是誰，最終王賢誌就開名說：「吳家樂！因為佢同我同一日試鏡做《K-100》，（佢知唔知？）佢唔會唔知啦，有感覺呀嘛！（仲有呢？）其他大家翻查資料睇吓我拍過咩劇、主持有咩拍檔！（《火舞黃沙》陳豪定黃德斌？）諸如此類啦！」

提到跟崔建邦不和的新聞，Vinci說：「其實我一路同佢都係好好朋友嘅，直至到（新聞）話我哋不和喇，又有陳志雲事件，（堅不和？）唔係好堅囉，只係有啲新聞令我哋有咗個隔膜，都唔係咁好意思（搵大家），事過境遷再見番，反而更加珍惜。我未離開電視台前仲同佢一齊去泰國玩，同佢當年嘅女朋友，我帶佢哋去gay bar，佢哋玩得好開心添。」

2004年港姐亞軍｜朱慧敏工作曾歷低潮獲王賢誌相助 讚對方好人：唔會覺得係咩二世祖【下一頁】

{{hket:inline-image name="277216791_337792831503580_6153647971564905011_n.jpg"}}{{/hket:inline-image}}

Vinci坦言新冠肺炎令全港都翻天覆地改變，由於家中有經營旅行社，不想浪費旅行社牌照，於是想搞特色旅行團，在思考之下，自覺最特別身分係同志，所以構思到《仔仔一堂》這個節目。「我哋唔係教人搞基，只係覺得齋訪問又好似記錄片咁，所以要有個包裝，以約會做包裝，最重要係過程點分享佢哋感受。」他坦言錄影期間，媽媽同Kevin的媽媽相繼重病離世，當時心情實在非常沉重又複雜，「當時Kevin媽媽先走，到我同佢探我媽咪，我媽媽捉實佢隻手，叫Kevin當佢係媽媽！頓時我覺得個節目有更大使命，希望同性戀者家人接納，先係最重要。」

Vinci初戀是Kevin，問到有否肉體或精神出軌？他妙回：「如果大家同意就未必等同於出軌囉呵？我同佢冇七年之癢嘅，如果有的話，就喺我哋認識第七年發生咗，唔需要等到結婚嘅第七年。一對戀人點相處兩個人知就得，唔需要牽涉太多人去估，（如果冇同意出軌會點？）唔會分手，大家都咁多年，需要溝通同理解囉，大家好似覺得我好花弗啦，好多花花草草，其實唔係，我不知幾咁dry，我覺得我同Kevin係冇乜嘢可以令我哋分手。」

盒子YouTube：https://www.youtube.com/watch?v=3xo_aIqhwAU

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：楊安莉