兒童節目標誌人物丨譚玉瑛憶曾被某高層嫌唔夠後生 遭勸退瀟灑離場：我應該消失

現年59歲的譚玉瑛由1982年開始主持兒童節目，包括《430穿梭機》、《閃電傳真機》、《至NET小人類》、《放學ICU》，的確伴住70後、80後、90後及千禧後的香港人成長；在1979年中五畢業後，就投考無綫第9期藝員訓練班，同期同學有黃日華、苗僑偉、吳麗珠、李青山等等。

同場加映：百萬同居計劃｜ 潔癖Anson Lo與曱甴共存頂硬上 Jer稱角色似卡通 同黃德斌齊爆肚

{{hket:ul-video id="7140"}}{{/hket:ul-video}}

{{hket:inline-image name="50.JPG"}}{{/hket:inline-image}}

{{hket:inline-image name="54.JPG"}}{{/hket:inline-image}}

最近，譚玉瑛接受《香港演藝人協會》訪問，她表示當時《430穿梭機》監製很滿意其試鏡的表現，於是立即聘用她，她笑說：「當時我喺canteen撞到訓練班同學黃日華，我同佢講我做兒童節目主持，佢恭喜我，其實我都開心，因為我起碼唔使捱夜。」

這一行很多人都講，在拍攝過程中，小朋友和動物是最難控制的，譚玉瑛說：「你叫小朋友安靜，總有1、2個係唔安靜，我會用一啲方法，揀佢出嚟，特別欣賞佢，叫佢幫我管住後面啲人，佢就即刻施展渾身解數去滿足你嘅要求。初期係最難忘，因為我根本唔知道點做，當我知道點做嘅時候，我就好鍾意做，鍾意到公司話可以調我出去做話劇，我都拒絕，可能我比較短視，我就係嗰刹那好滿足，好開心。」譚玉瑛指自己對小朋友和老人家的寬容度會較大，跟他們說溝通，必需簡單、清楚。

童你一起長大了│譚玉瑛曬合照問大家認唔認得 年近80歲《跳飛機》辛尼哥哥現身【下一頁】

2014年3月，譚玉瑛錄影完《放學ICU》最後一集，一眾主持向她送上蛋糕，當時譚玉瑛表示是完美的結束。重提此事，譚玉瑛說：「當時嘅要主理人Sandy（無綫前高層余詠珊），有日叫我入佢間房，其實佢都幾清晰，佢話好想請一個好似我當年咁後生嘅人嚟做兒童節目，我亦都好明白，製作人有佢嘅理念，而我又唔再年青，人哋又唔知點樣整你走，每隔4年，我身邊嘅主持都會轉一轉，次次轉就唔代表我唔使轉。其實我都有諗呢件事，當佢同我講嘅時候，我都覺得合情合理，如果佢想請一個後生，而我都唔後生，我就應該消失。」

58歲生日飯局｜譚玉瑛孖193吳業坤食Omakase 網民：想像唔到呢個組合【下一頁】

{{hket:inline-image name="10.JPG"}}{{/hket:inline-image}}

{{hket:inline-image name="243453.JPG"}}{{/hket:inline-image}}

離開32年的工作崗位，譚玉瑛坦言會不捨得，所以她當時沒有告知任何拍檔同事，打算靜悄悄離開，她說：「以前我會放好多茶葉喺公司，我就靜悄悄拎走所有茶葉，清咗個locker啲嘢，到第二個禮拜唔返工，大家就知道我唔再喺度做，唔知點解終於都畀人知道，Sandy即刻搵我，可能佢以為我主動同記者講，總之唔係好開心咁，佢上司又話佢做咩搞到件事咁。」離開兒童節目主持崗位後，有間電視台欲邀請譚玉瑛主持兒童節目，最後遭她一口拒絕，她笑說：「原因係可能我懶，我由10幾歲開始做到而家，做咗幾十年，好多人都冇我咁勤力，我唔做嘢都唔係寄生蟲啩，當時我係咁諗。」近年，喜歡飲食、飲酒的譚玉瑛，樂意轉做飲食節目主持，先後獲邀主持《阿爺廚房》系列和《香港原味道》系列。

{{hket:inline-image name="11.JPG"}}{{/hket:inline-image}}

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】