Pet Pet星丨練美娟愛犬烏冬演出《百萬同居計劃》 被愛狗之人Anson Lo不停送吻

ViuTV劇集《百萬同居計劃》已於周一首播，劇中一位另類主角，遭男子組合MIRROR成員Anson Lo（盧瀚霆）不停狂錫，片段上載在IG限時動態，並留言：「燈仔話：烏冬is so cute！」這位另類主角，正是在劇中飾演簡慕華飼養的狗狗，亦是練美娟的愛犬「烏冬」。娟姐接受《晴報》訪問，她笑稱台前幕後都很愛錫烏冬，自己則被大家無視！

同場加映：百萬同居計劃｜ 潔癖Anson Lo與曱甴共存頂硬上 Jer稱角色似卡通 同黃德斌齊爆肚

{{hket:ul-video id="7140"}}{{/hket:ul-video}}

{{hket:inline-image name="800_31121475c64b9aa4b64d5fadda7d9193.jpg"}}{{/hket:inline-image}}

{{hket:inline-image name="423453.jpeg"}}{{/hket:inline-image}}

烏冬今年8歲8個月大，在2個多月大的時候，就被娟姐帶回家中收養。回想第一天，娟姐說：「心情真係好滾動（感動），由細到大都好想養小動物，而當佢真真正正出現喺我面前嘅時候，我同佢對望嗰吓嘅眼神，代表咗我哋已經互相確認，大家係以後一齊生活嘅buddy！佢好識睇人嘅眉頭眼額，鍾意觀察，好鍾意演，聽人講話柴犬好難訓練，又高傲，我完全唔認同，好記得佢第一日返到屋企，完全冇教過嘅情況之下，我就咁擺張尿片喺度，佢就自己識喺嗰度去廁所。」

PET PET星丨「三太」樊亦敏愛心爆棚養三狗一兔 拍劇準備埋有機零食畀「軲轆」【下一頁】

首次拍劇的烏冬，在劇中與娟姐只有一次同場，她笑甜甜的說：「好記得嗰一場，劇情講有個師傅作法，然後唔舒服暈暈哋，佢個傻妹（烏冬）以為人哋真係企唔穩，跟住就行咗埋去表示關心，一cut機，全場人都話覺得成件事好窩心，動物嘅同理心絕對唔會比人少，我都好開心佢係一個咁體貼嘅小狗。大家都太錫佢，完全無視我，每次去到拍攝現場，大家都問我『烏冬呢』、『我掛住你隻狗』、『今日點解唔帶佢返工』、『我想見到烏冬多啲』，我嬲呀！」

Pet Pet星丨Anson Lo生命中的兩位「小公主」 親暱互動惹來「神徒」羨慕【下一頁】

為何會答應讓烏冬演出？娟說：「其實我都有認真諗過一陣，本來因為擔心拍攝時間長 ，會影響佢平時生活，但係多謝今次劇組，大家都好互相配合，例如好多時有佢嘅場口 ，我又未必可以同場一齊，佢哋會好好咁輪流派人，將烏冬由我屋企接送到拍攝場地，仲會定時影佢嘅狀況畀我睇，以免我做嘢嘅時候擔心，而今次可以同自己嘅寵物一齊拍劇 ，有同一個作品，為我哋留低一個美好嘅經驗回憶。」

{{hket:inline-image name="22.jpg"}}{{/hket:inline-image}}

對於烏冬的表現，娟姐坦言感到很滿意，給牠101分，問她會否獎勵烏冬？她笑說：「我諗獎勵嚟講，劇組台前幕後都畀咗佢好多，個個都追住佢嚟錫，係咁餵零食畀佢食，係咁抱住佢，所以我諗佢得到呢啲美好回憶，已經賺晒！」娟姐希望有機會被廣告客戶看中，與烏冬母女檔合作。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】