《愛回家》細龍生｜鄭世豪遇天秤倒塌事故校友遺屬 喜見許文明患癌遺孀堅強重過新生活

《愛‧回家之開心速遞》「細龍生」鄭世豪的母校日前迎來50周年銀禧紀念，他專程相約舊同學回校參加慶祝盛典，重返昔日的禮堂高唱校歌，坦言激動得熱淚盈眶；同時遇上今年9月在工業意外中去世的許文明校友的遺孀和女兒，看到她們堅強重過新生活，令他十分感動。

同場加映：樊亦敏透過比賽增自信散發光芒 蔡國威林子超把握機遇「被看見」

{{hket:ul-video id="7144"}}{{/hket:ul-video}}

現年44歲的鄭世豪，1995年畢業於中華基督教會扶輪中學，日前抽空跟舊同學慶祝母校創校50周年。他昨日接受《晴報》電話訪問，表示讀書時代有很多難忘回憶。「當日我約咗班同學一齊返學校，行入去見到同學仔喺球場做緊運動，最難忘以前係體操隊成員，我哋冇特登約教體育嘅林sir，咁啱佢又喺到。細個鍾意打籃球同玩體操，讀書真係唔叻，寄情運動上。」

{{hket:inline-image name="43.jpeg"}}{{/hket:inline-image}}

世豪當天跟校友一同參觀母校，有不少地方已改建，他指在禮堂唱校歌時十分感動，「見到個禮堂已經好懷念，究竟自己仲識唔識唱校歌呢？好彩全首都唱晒，好開心！當時真係會流眼淚。雖然母校返過好多次，有啲同學十幾廿年先返一次，我已經一年返一次，都會感動。之前返去，係冇一個儀式企喺禮堂唱校歌，今次特別感動。有好多老師同校友都叫我『細龍生』，佢哋都有支持《愛回家開心速遞》，多謝大家。」問到當時係乖學生定曳學生？鄭世豪笑指：「我覺得自己係好學生㗎，雖然讀書唔叻，但我好循規蹈矩，準時交功課㗎！」

{{hket:inline-image name="1.jpeg"}}{{/hket:inline-image}}

另外，鄭世豪這重返母校，亦巧遇已故許文明校友的遺孀和女兒。他說：「我見到許太時，冇刻意問候，亦冇特別提問啲乜，我都同佢囡囡玩咗一陣。」許文明在9月於秀茂坪安達臣道地盤天秤倒塌事故中去世，留下患有末期乳癌的太太及兩名年幼女兒。鄭世豪得知校友會出手相助、探訪許太和家人，稱：「所以自己盡量當冇事發生過，唔想令佢哋諗起啲唔開心嘅事，希望佢哋繼續積極生活落去。」

愛回家丨細龍生為一場戲3星期怒減30磅肥肉 鄭世豪公開超Dry餐單令廢柴變型男【下一頁】

撰文：倪小珊

圖片來源：受訪者提供