稱為TVB打工無錢 吳若希︰仲要倒貼

吳若希（Jinny）將於本月舉行首個個人演唱會，日前遭網民揶揄門票滯銷，Jinny留言多謝對方為自己宣傳，高EQ回應獲讚。懶理負評的Jinny繼續為個唱宣傳，日前接受DJ艾力的網上頻道訪問，被重提當年菊梓喬（Hana）獲頒「最受歡迎女歌星」時，Jinny瘋狂恥笑。Jinny表示︰「開心係因為唔係我攞，邊個攞都唔係重點，只要唔係我攞就得喇！（點解唔想攞？）我試過攞其他大獎，我知道攞完之後嘅壓力，我唱歌係為咗開心，如果攞完唔開心，攞嚟做咩？」

艾力問她是否開心重要過一切？Jinny想也不想便答︰「係呀，你估喺TVB做嘢係為錢咩？全世界都知喺TVB做嘢係無錢㗎啦，仲要倒貼呀！」艾力一臉震驚︰「你咁講會唔會被雪藏？你嘅演藝生命就咁玩完，今次變成吳若希封咪演唱會。」Jinny笑住更正應該是「告別演唱會」，貫徹敢言作風。