法證先鋒V｜江欣燕得悉失憶老公另覓愛人爆喊 首演慘情媽媽：廿世加埋都冇咁苦

無綫台慶劇《法證先鋒V》前晚及昨晚一集劇情發展集中在重案組井Sir（袁偉豪 飾）及Taya（蔡思貝 飾）身上，前晚井Sir與Taya車頂浪漫一吻後，劇情卻來個峰迴路轉，原來井Sir父母是遭Taya父親譚森（林偉飾）殺死 ，Taya得悉真相後，即時對與井Sir感情卻步……

{{hket:inline-image name="5.jpg"}}{{/hket:inline-image}}

同場加映：百萬同居計劃｜ 潔癖Anson Lo與曱甴共存頂硬上 Jer稱角色似卡通 同黃德斌齊爆肚

{{hket:ul-video id="7140"}}{{/hket:ul-video}}

而飾演Taya母親麗霞的江欣燕也是一大亮點，在劇中行動不便的她，更要飽受丈夫譚森人間蒸發及失蹤等折磨，對她而言可謂演技大考驗。其中一幕在餃子店，她在得悉失憶後的老公另覓愛人李鳳（甄采浠 飾）並展開新生活時，她難以置信兼茫然地吃著餃子，含淚演出煞是感人。

{{hket:inline-image name="464.jpg"}}{{/hket:inline-image}}

談到角色，欣欣承認從未試過咁苦，一直渴望挑戰情緒戲的她，由接獲劇本一刻開始做定功課，稱：「其實我冇相關經歷，所以我喺屋企幻想咗好耐，畀咗自己好多前設同後設，我仲同導演講定萬一我喊唔到要滴眼藥水。我畀咗自己好大壓力，好彩食住嘢喊嗰場謝，嗰一種苦原來喺個腦一早溝通好晒，Take 1、Take 2就搞掂。我都好開心，我廿世加埋都冇咁苦。呢套劇係辛苦嘅，因為慘得太緊要，負面情緒唔覺意滲入我體內，好彩自己都好快從角色中跳番出嚟。」

欣欣又謂依據劇情，角色有不少難言之隱，為免演出時自打嘴巴，她在劇本上做了手腳，「我將劇本剪晒出嚟黐好晒，因為件事好複雜，劇情前前後後會有啲唔同，有啲位我要講大話，又有啲位觀眾以為係真相，變相做演員自己要對劇本有清晰了解。」

除了慘情戲，欣欣連行路方式也是做足功課，「當我知道角色有腳患，第一時間問係左邊定右邊？因為角色嘅腳患有幾個階段，有啱啱車禍之後，有康復中，我有逐場去研究。呢種戲好難演，惟有係咁諗住自己隻腳有事。我都驚自己行行吓會唔記得咗要趷，但原來身體已經有咗慣性，會就住度力。」她同時暫停減肥，目的是想保持「脹卜卜」以便身形上與「女兒」蔡思貝有所分別。談到對方，欣欣讚不絕口，笑指她比想像中「擦得」，「估唔到佢睇得又做得，同埋你唔好睇佢咁瘦，佢成日請食嘢同埋原來食好多嘢！」

{{hket:inline-image name="980.jpeg"}}{{/hket:inline-image}}

法證先鋒V｜袁偉豪被《愛回家》影射回應有骨 蔡思貝撓埋雙手眈天望地似搭枱【下一頁】

撰文：娛樂組

圖片來源：大會提供