張敬軒個唱與多名重量級歌手撞期 自爆靠「搶人」才成功開騷

張敬軒將於本月20日舉行十場的跨年演唱會《Revisit張敬軒演唱會》，同期撞正陳奕迅（Eason）、黎明、楊千嬅及許廷鏗等歌手開騷，軒仔今日受訪時大爆要「搶人」才能開騷，過程困難重重，但喜見同行都能帶歡樂及娛樂給大家。

同場加映：樊亦敏透過比賽增自信散發光芒 蔡國威林子超把握機遇「被看見」

{{hket:ul-video id="7144"}}{{/hket:ul-video}}

{{hket:inline-image name="DSC_7371.JPG"}}{{/hket:inline-image}}

張敬軒今日到尖沙咀出席聖誕亮燈活動，即場展示與品牌合作設計的兩款限量手機殼。距離演唱會不足兩周，軒仔表示活動後隨即閉關綵排，為了給入場觀眾有獨一無二的體驗，決定不設現場錄影，不會推出影像產品。

{{hket:inline-image name="DSC_7421.JPG"}}{{/hket:inline-image}}

軒仔大爆籌備個唱期間遇上不少難題，「因為同期好多騷舉行，我哋請舞蹈員都有困難，又要搶樂手、換衫嘅工作人員、化粧梳頭等等，但都係開心事，始終受疫情影響咗好幾年，喺安全情況下，大家都需要娛樂。（歌迷投訴搶唔到飛？）由下個演唱會開始，我會努力爭取做主辦之一，令歌迷可以買到最多靚位飛。（要好大投資？）資金有楊生（老闆楊受成）做強大後盾。但今次都係畀人鬧，作為演唱會主角，有義務令我啲忠實歌迷買到想買嘅飛。（父母都要搶飛？）今次佢哋全部落唔到嚟，所以風平浪靜。」

{{hket:inline-image name="DSC_7490.JPG"}}{{/hket:inline-image}}

完成演唱會後，軒仔最希望可以去旅行充電，但明年一月要為首部主演電影《超神經械劫案》宣傳，工作排得滿滿，「最快都要到三月先可以放假，雖然節日要開工，但都係開心事，記得第一任經理人同我講過，除咗清明、重陽都應該要開工，如果無工開就要自己檢討下，我係講我自己咋！（想飛去邊玩？）想去法國，好多年無飛，想去遠啲。」

撰文：倪小珊