鍾舒漫出道多年見證不少跳唱歌手退場 與圈中四位好姊妹一齊跳舞重返Y2K年代

大型戶外舞蹈表演《Figure OUCH!》將於本月28日在西九文化區舉行，大會除了邀請17位不同派別、舞種的導師參與演出，同時找來5位熱愛跳舞的本地藝人鍾舒漫（Sherman）、黎美言（Winkie）、王君馨（Grace）、衛詩（Jill）、吳嘉禧（Cheronna）與舞者一齊表演。

同場加映：百萬同居計劃｜ 潔癖Anson Lo與曱甴共存頂硬上 Jer稱角色似卡通 同黃德斌齊爆肚

{{hket:ul-video id="7140"}}{{/hket:ul-video}}

Regen張惠雅掀起事端︳Winkie黎美言提HotCha舊隊友當場爆喊 好多單打說話：我喊唔係扮嘢【下一頁】

{{hket:inline-image name="KV3.jpg"}}{{/hket:inline-image}}

{{hket:inline-image name="KV2.jpg"}}{{/hket:inline-image}}

是次表演以Y2K為主題，Sherman說：「Y2K年代好努力去做跳唱文化，但嗰時喺香港做好困難，未必咁容易接觸到觀眾。而家就唔會嘞，我搵咗同樣係2000年出道嘅跳唱歌手嚟，一齊玩。」Grace直言可以同台表演非常難得，「以前當有機會跳舞，可能揀歌係由公司決定，公司話跳咩就跳咩囉。今次參與埋creative嘅部份，以前就真係少有，觀眾會睇到幾唔同嘅我哋。」她表示很欣賞其他4位藝人，特別是Cheronna，「Super Girls嗰陣我就識佢，第一次認真睇佢，係佢有份填詞嘅《無利可圖》MV，覺得佢係pretty hot。」

Cheronna指她們出道的年代，制度與現在有所不同，「嗰陣有演出嘅機會難度好高，可能香港人欣賞嘅眼光，未去到我哋呢度。今次難得有個咁大嘅舞台，除咗我哋，仲有好多需要機會演出嘅學生、老師。難得嘅係，因為熱愛跳舞而同處一個舞台，我覺得好感恩！我未試過去showcase，同跳舞老師同台，成件事好熱血青春。」她大讚一眾舞者十分堅毅，是自己的學習對象。Jill認為每人都有自己的風格，對跳舞充滿熱情，稱：「我哋只係想享受跳舞，我哋只係想have fun！」

Winkie笑指出道之前，每個人也可能經歷不同的海選，要跟隨排舞師的安排，未能跳出框框建立自己的風格，「嗰個passion好勁，5個人嘅時間好難夾，但係都可以手拖住手去跳，真係好難得。」她分享排舞時的搞笑事，坦言已非小女孩扎扎跳的年紀，已經是成熟的女性，因此休息時間，大家研究如何保護腰骨，「一齊拉多啲筋，要養生啦！」Winkie成立的演藝學校，其學生亦會參與演出，「有啲學生7、8歲咋，佢哋真係好勇敢。」

Sherman出道多年，當中有些跳唱歌手放棄，而在座的藝人熱情不減繼續跳，說︰「平時睇佢哋嘅reels，睇到佢哋會加入而家嘅舞蹈，好有energy！」又自爆對Jill有私心，因為後者以跳舞形象出道，「嗰時我都未入行，我仲去買佢隻碟，但係之後少咗跳舞，我真係好想好想佢可以enjoy返呢樣嘢，真係好想好想！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：楊安莉