想找日系女生拍MV 魏浚笙拒搵經理人女友登場

魏浚笙（Jeffrey）昨日到銅鑼灣出席品牌活動，練美娟則擔任活動司儀。聖誕節將至，Jeffrey希望到外地旅遊過白色聖誕︰「我由細到大都未試過喺外國過聖誕感受氣氛，如果過白色聖誕會好開心。」即將進軍樂壇的他，正籌備首隻單曲，但仍未錄音︰「依家練習緊，隻歌係慢歌，搵緊人填詞同監製，我都好想首歌快啲面世。」

Jeffrey表示正考慮MV女主角人選，笑言想找一個日系女生︰「我呢排睇緊日劇《First Love初戀》，好想MV有種浪漫嘅日系感覺。（去日本取景？）我都想，但睇嚟唔得喇，自己係獨立歌手，預計製作費要六位數字！」但他堅拒「搭膊頭」找朋友義助︰「做嘢係要畀錢，要尊重對方嘅專業。（搵女友Evelyn幫手？）佢唔會喺幕前出鏡，但會以經理人身份策劃。」

攝影︰林良明