音樂會門票售罄 蕭正楠新歌獻亡父

蕭正楠（Edwin）與音樂人伍仲衡及區永權組成的限定男團HEA，將於下月六日假灣仔伊利沙伯體育館舉行《HEA TOGETHER LIVE 2023》音樂會。三子出盡法寶宣傳，Edwin太太黃翠如更化身賣飛專員，為撑老公一點也不hea。

伍仲衡為了是次音樂會，特別炮製合唱歌《HEA到爆》，蕭正楠和區永權大讚歌詞非常貼地，正好反映700萬市民想hea的心態；伍仲衡強調hea絕不是負面︰「首歌係叫大家唔好只顧住做嘢，要識得享受生活。」三人組成的限定男團「HEA爆三子」更身體力行示範何謂hea，日前三人一邊看世界盃，一邊hea住錄歌，他們輪流入錄音室，最後只花了兩小時錄好新歌。

邊睇世界盃邊錄歌

至於音樂會門票銷售情況更非常理想，伍仲衡開心報喜︰「一個字，爆！爆咗喇，黃翠如買晒。」Edwin指太太是他的必殺技，落力向身邊所有人推銷，「太太真係搵咗好多人買。」就連區永權都大讚︰「翠如好犀利，不停約朋友吃飯，一見面就問『買飛未？』如果無買，佢就用酷刑招呼，對於我哋嚟講其實好窩心嘅。」

黃翠如借飯局促銷

此外，伍仲衡更為Edwin創作新歌《小小大人物》，Edwin感激表示︰「首歌我要獻畀我天上嘅爸爸。我嘅事業、婚後生活都變好，但呢一切我都無辦法同爸爸分享，我希望透過呢首歌去多謝我爸爸。」據知Edwin父親患癌離世，當時他剛入行，因工作關係未能見爸爸最後一面，令Edwin十分遺撼。

撰文︰倪小珊

美術︰梁政敏