黛安
黛安

大家樂推「炎明熹好想約你~做善事」 籌款助香港認知障礙症協會

發佈時間: 2022/12/12

大家樂推「炎明熹好想約你~做善事」 籌款助香港認知障礙症協會

黛安聽公關姊妹講,陪着香港人成長逾半世紀嘅大家樂,早前推出咗「有大家,就有大家樂」企劃,製作咗一連3輯嘅真摰生活小品,提醒大家珍惜同關心身邊人,仲邀請到「聲夢人氣王」炎明熹為廣告獻唱主題曲《好想約你》,完整版喺Youtube發布1周後,觀看次數已達100萬次。

為咗慶祝廣告主題曲大受歡迎,大家樂決定捐出$10萬予香港認知障礙症協會,並推出「炎明熹好想約你~做善事」慈善捐款活動,由即日起,《好想約你》Youtube官方頻道觀看次數由200萬起計,每額外達到30萬觀看次數,大家樂將額外捐出$5萬予香港認知障礙症協會;更將透過電視廣告、有2個版本嘅電台廣告同宣傳車大肆宣傳,鼓勵市民支持捐款活動,以及引起大眾對認知障礙症嘅關注。

大家樂集團行政總裁梁可婷話,目前醫學界仍未研發出可以根治認知障礙症嘅藥物或療法,患者只能預防及防止惡化,照顧者亦要耗盡心力同資源,對基層家庭造成沉重負擔,故再推出慈善捐款項目,冀能繼續為協會籌募營運經費,為更多患者同照顧者提供援助。

撰文: 黛安 消息特靈八卦公關
欄名: 八卦名利場