輕功｜簡淑兒被鬧港女恃大肚謀男友屋企層樓 蔣祖曼現實寧願要愛情唔要事業

《輕·功》劇情圍繞友情、親情，每集都大派「洋蔥」，早前講到十一（黎耀祥 飾）與繆妙（龔慈恩 飾）老夫妻天人永隔，女方在丈夫懷中死去，黎耀祥「視帝級」演技令觀眾睇得動容，嘆為觀止。鏡頭一轉，昨晚一集（12日）提到未到30歲的阿風（朱敏瀚 飾）搞大女朋友Chole（簡淑兒 飾）個肚，女方只管不斷追問對方︰「你老竇十一間屋，你有冇名㗎？」有觀眾、網民直斥港女行為太過分，看得咬牙切齒。

{{hket:inline-image name="e.png"}}{{/hket:inline-image}}

{{hket:inline-image name="d.png"}}{{/hket:inline-image}}

同場加映：百萬同居計劃︳魏浚笙嚴選同房首要乾淨冇鼻鼾 徐㴓喬想挑戰底線玩真人騷

{{hket:ul-video id="7170"}}{{/hket:ul-video}}

阿風尚年輕又沒正職，對於人生規劃茫無頭緒。Chole突然自爆懷孕，令對方陣腳大亂，她同時不斷追問：「你快啲問你爸爸間屋有冇你個名？你屋企住嗰區校網都幾好。」而且着阿風搬回家住「霸位」，甚至以母親的說話「遊說」，先訂婚，當樓契轉名後便結婚；似乎早有預謀，欲巧取豪奪長輩的安樂窩，始料不及的是阿風的家姐阿嵐（蔣祖曼 飾）早一步搬回家。

{{hket:inline-image name="17.jpg"}}{{/hket:inline-image}}

{{hket:inline-image name="09.jpg"}}{{/hket:inline-image}}

輕．功丨五男向海高唱疑紀念病逝曾偉權 黎耀祥：永遠唔知幾時最後一次【下一頁】

輕．功︳龔慈恩含笑告別黎耀祥勁洋蔥 網友讚溫馨感人：睇到好酸【下一頁】

Chole「進擊」的舉動令網民狠批行為「港女」，拜金只講利益，留言十分狠︰「港女一名，有樓就嫁，大咗肚，唔通唔嫁咩」、「如果佢無樓咁嫁唔嫁呢？就算爸爸層樓係佢個名，都要同老爺同住！究竟你想要層樓還是想嫁佢㗎」、「點解不斷提樓有冇名？實係有呢類人，禮金都未開始講」、「成日謀住人哋層樓」，更有劇迷猜測是一個騙局，甚至懷疑她扮大肚呃層樓。

而同樣大受打擊的阿嵐，成為「雙失」人士，失業兼失戀，她未能挽回感情，由得男友Duncan（李日朗 飾）移民離港。傷感的她暴食發洩，辛苦得在街頭痛哭，回家後又倚着父親十一的肩膊，放聲哀號，一晚之內，喊戲多場。

蔣祖曼從演18年，喊戲對她來說是一大考驗，她受訪時透露，過往拍喊戲的機會並不多，收到《輕·功》的劇本，要請教前輩黎耀祥 ，表示︰「咁多年拍喊戲加埋唔過5次，祥哥話自己性格硬淨啲，喊戲佢都要時間準備，佢人生高低經歷比較多，諗起某啲事情易喊出嚟。有朋友叫我試吓共鳴音（響音），會易啲喊出嚟。開頭拍時未習慣，好彩之後越拍越順利。」

阿嵐為了事業，選擇放棄愛情，已婚的蔣祖曼笑稱現實中會選擇愛情，她「劇透」阿嵐不肯移民其實另有苦衷，「要遇到一個啱嘅人，係一件好難嘅事，反而搵過一份啱嘅工比較容易。劇入面，嵐嵐有個秘密先唔跟住Duncan移民...大家要留意之後嘅劇情嘞！」 

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】 

撰文︰王連連