裕美Twitter尋得失散22年父親？ 原生家庭與婚姻同樣面對家暴

34歲中日混血兒裕美日前喺社交平台出「尋人啟示」，希望找回沒有聯絡22年嘅爸爸。裕美透露童年時父母經常嗌交，甚至動武，佢喺恐懼中成長。但長大後佢已經放低過去種種，希望同爸爸相認。而佢昨日喺網民協助下搵到一個疑似係佢爸爸嘅Twitter帳戶，現時正係等待消息。

同場加映：《空肚講宵夜》三周年丨「八婆」成陳俞希代名詞人人恨要 蔡瀚億梁祖堯感恩觀眾睇得開心

{{hket:ul-video id="7197"}}{{/hket:ul-video}}

裕美一直想搵番爸爸，佢細個喺日本同爸爸生活過，只有嫲嫲一個親戚，而當時嫲嫲都90幾歲。裕美20歲時有寄過嘢過去爸爸舊地址，但彈返轉頭，佢透露曾經去過駐港日本領事館查詢，無功而還，又表示明年可能去日本尋親。

{{hket:inline-image name="314836905_136859209134344_1220438777481123175_n.jpg"}}{{/hket:inline-image}}

裕美爸爸而家已經70幾歲，佢指自己細個擔驚受怕，一放學就奔跑返屋企，因為怕爸爸媽媽打架，自己要等到父母瞓着先敢瞓覺。裕美童年過得唔愉快，但就連喊都唔可以畀爸爸聽到，怕搞到父母鬧交。

裕美直認，曾經受爸爸影響，有一段時間好唔鍾意日本、日本人，甚至唔想自己係日本人，大個咗就放低仇恨。昨日佢再次出post，指有人見到一個疑似係佢爸爸嘅社交平台帳號，「有熱心網友，傳了一個Twitter給我，真的是我爸爸？現在心情非常滾動。」再留言：「剛剛download咗Twitter亦follow了他，岀咗一個post，我希望他會回覆，等待中。」有唔少網民指呢個帳號係今年先開通，唔太似係一個「真實」戶口，叫佢唔好抱太大希望，怕佢只會失望越大。

從小父母離異，影響佢愛情觀，令裕美失去自我。佢立志21歲建立家庭，結果婚姻失敗。當年仲話遭到前夫林恩浩抹黑，男方指前妻好大使，裕美反駁，對方當年搵得嗰12,000月薪，婚後所嘢都係AA制。裕美大爆當時遭受多次家暴才要求離婚，前夫變本加厲，不斷恐嚇若向傳媒「爆料」，就唔會簽紙離婚。

撰文：黃蘊姿