《男親女愛》最後廠景︳黃子華鄭裕玲苑瓊丹唔捨得爆喊 Do姐話有人帶頭：佢平時唔會咁

由黃子華、Do姐鄭裕玲合演的神劇《男親女愛》，將於今個月18日（星期日）播出第100集大結局，之後接棒的是TVB早前舉辦的《我揀我想睇》觀眾投票活動，在「難忘記...」系列佔首位的《天師執位》。《天師執位》的男女主角是三哥苗僑偉同翁美玲，主題曲是阿倫譚詠麟的金曲《誰可改變》，由1984年播映至今，在不少劇迷的心中穩佔一個席位。

{{hket:inline-image name="12132001.jpg"}}{{/hket:inline-image}}

{{hket:inline-image name="11_600.jpg"}}{{/hket:inline-image}}

同場加映：《空肚講宵夜》三周年丨「八婆」成陳俞希代名詞人人恨要 蔡瀚億梁祖堯感恩觀眾睇得開心

{{hket:ul-video id="7197"}}{{/hket:ul-video}}

處境劇《男親女愛》踏入尾聲，雖然此劇已是重播，仍有些觀眾會感到唔捨得。當年黃子華、Do姐及苑仔（苑瓊丹）在最後一日廠景的記者會上，將這份感情即場爆發出來，齊齊在鏡頭前爆喊，皆因他們見足差唔多5個月，日日開工早已培養出深厚的友情。根據無綫Facebook「TVB大寶藏」今日重溫的2000年《全線大搜查》片段，首先見到黃子華呆呆站在Do姐身旁，反咬住咀唇又神情落寞，率先在人前流下男兒淚，好拍檔Do姐於是上前安慰，想不到𠱁掂黃子華後，輪到Do姐頂唔順喊出嚟，反過來要黃子華送抱抱安慰，旁白話Do姐喊足10分鐘，之後見到苑仔受到影響，大感依依不捨喊埋一份。

《男親女愛》花絮︳黃子華自爆最初唔敢接近「小強」 Do姐鄭裕玲徒手捉曱甴：天生唔驚【下一頁】

Do姐聯同黃子華、苑仔接受《大搜查》訪問，Do姐指剛才是黃子華帶頭喊，「佢就帶頭，見佢喺度玩隻公仔嗰時，又唔望我又唔出聲，我就知佢有嘢。（玩甚麼公仔？）有個骷髏頭公仔，佢平時唔會咁嘛，懶正經，好似而家懶文質彬彬咁，佢就喺度玩公仔，唔出聲又咩咁，咁我就知死，仲要企喺佢隔籬，之後一望苑仔嗰度，佢又含情脈脈望住我，我啲淚水已經標緊標緊，咁就走唔甩。」Do姐為了《男親女愛》出動不少私伙衫，當中不少是新買的，她透露拍完會送出去，因為已經出過鏡，但首飾就會留下來，全部都是她鍾意的。

（↓點擊放大睇圖片↓）

片尾還有彩蛋出現，就是眾人在廠景最後一刻，又有感人場面出現。子華身處律師樓場景時，幾位同劇演員唱起陳慧嫻的歌曲《千千闕歌》，「可惜即將在各一方，只好深深…。」務求令他忍唔到又再喊，苑仔就抵笑話：「喊先嗰個會被人打！」黃子華死撐回答：「我頭先真係荷爾蒙失調，話你聽，都幾難再嚟一次。」監製徐正康為免影響拍攝進度，一度出聲阻止眾人再唱，到大家完成最後一場廠景戲份後，監製每人送上一支花答謝，苑仔此時就失守再喊，要搵紙巾抹眼淚，想不到Do姐又接捧再喊，身邊黃子華便搞爛Gag𠱁她，「我哋唯有一齊去做《全線大搜查》，由下個禮拜開始！」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】