現年70歲的老戲骨駱應鈞，入行超過40幾年，2011年離開效力36年的無綫後，翌年加盟HKTV繼續幕前演出，至2015年約滿回復自由身，主力返內地及電影的工作。日前駱應鈞罕有拍香港廣告，聯同魏浚笙（Jeffrey）及吳浣儀為「昂坪360」開工，在全新一輯的廣告內飾演一家人，雖然他們是第一次合作，整個過程相當順利。
同場加映：《空肚講宵夜》三周年丨「八婆」成陳俞希代名詞人人恨要 蔡瀚億梁祖堯感恩觀眾睇得開心
{{hket:ul-video id="7197"}}{{/hket:ul-video}}
駱應鈞近年很少劇集作品在香港播映，據網上資料顯示，對上一次電視見到他已是2016年年尾同吳啟華、陶大宇、宣萱及蘇永康合演的《隱世者們》，劇中飾演陶大宇的上司。相反電影作品就多一些見到駱應鈞，包括《拆彈專家》（2017年）、《大師兄》、《無雙》（2018年）、《廉政風雲 煙幕》、《催眠·裁決》 （2019年）及《一級指控》（2021年）等。其實他由2017年同時開始拍攝網絡電影，這類作品大多數不會安排香港戲院上映，今年就同林峯合作《倚天屠龍記之九陽神功》及《倚天屠龍記之聖火雄風》，戲內飾演「白眉鷹王」殷天正。
《壹號皇庭》彬Sir丨駱應鈞感謝鄧特希洗脫反派味 親揭「二叔」駱恭粵語片秘聞【下一頁】
身為好戲之人的駱應鈞近日回歸香港開工，聯同魏浚笙及吳浣儀為「昂坪360」拍攝全新一輯廣告，觀眾又有機會睇到他的演出。對於今次跟新晉同舊友合作，原來同樣都是第一次合作，駱應鈞笑說：「同吳浣儀識咗幾十年，但從來都未曾做過對手戲，呢日廣告係『遲來的』感情線。香港地方好細，大家都會識大家，所以一埋位就可以拍，唔使特別交流。」
【奸出名堂】駱應鈞入院40日工作頓失 入行近半世紀北上求突破【下一頁】
提到2019年在訪問中透露例行心臟檢查時，他發現身體患有腎石，經過深思熟慮後接受2次繁複手術，結果入院住了40幾日，原本有合作的人突然無再聯絡，令他有一段時間沒有工作。駱應鈞對此表示：「其實呢排我一直都留喺香港，仲偶然有拍電影，只係之前做訪問講起做手術，搞到大家誤會以為我有咩唔舒服，其實係好多年前嘅事啦，而家希望疫情冇晒，大家多啲工開。」
（↓點擊放大睇圖片↓）
- {{hket:inline-image name="Image07.jpeg"}}{{/hket:inline-image}}
魏浚笙這次有機會跟兩位前輩合作，𠱁得大家好開心，又不時叫他們做「阿爸、阿媽」，「我細細個都睇佢哋啲戲，最鍾意睇浣儀姐做《我和殭屍有個約會》，真係睇到好熟。之前拍《百萬同居計劃》，但係冇機會跟浣儀姐同場，呢日把握機會同兩位請教吓啲演技。」
撰文：娛樂組
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】