2022年卡塔爾世界盃迎來最後兩場大戰，季軍賽將於香港時間12月17日（周六）晚上11點開波，由摩洛哥對克羅地亞，而決賽將於香港時間12月18日（周日）晚上11點上演法國大戰阿根廷，爭奪冠軍獎盃！足球狂熱袁文傑本屆世界盃都有講波，在YouTube Channel同球迷互動，一邊睇波一邊評論，他接受《晴報》電話訪問時表示：「自己玩吓啫，一向有同球迷互動，難得四年一度世界盃，我自己又鍾意睇波！好得意，其實我係冇得播場賽事，只係望住我講嘢，但原來都幾多球迷鍾意睇，可能大家好鍾意嗰種感覺，就算喺屋企都好似有一大班朋友睇波嘅感覺。」
同場加映：《空肚講宵夜》三周年丨「八婆」成陳俞希代名詞人人恨要 蔡瀚億梁祖堯感恩觀眾睇得開心
下流上車族│丁子朗袁文傑拗手瓜爭郭柏妍 網民指選擇「離地」：現實應該會……【下一頁】
對於決賽冠軍心水，袁文傑分析：「好平均，法國老謀深算，論戰術同臨場應變都好好，有個主觀願望，就係想阿根廷美斯捧盃！上一次法國對阿根廷都有好多入球，我就唔會估比數喇，我覺得會多入球，一定好精彩。」他表示未知季軍賽、決賽是否能夠睇直播，要視乎工作。至於季軍戰，他較想摩洛哥贏出，「每屆世界盃都有奇兵，02年有奇兵土耳其得季軍，韓國殿軍，我覺得克羅地亞上屆得過亞軍啦，做過奇兵，所以今屆我睇好摩洛哥！」
提到講波當然令人想起的「萬能鍾」鍾志光，他表示單單看過去幾場波的表現，法國的整體表現比阿根廷好，特別是法國多位名將發揮得相當出色，「我初初都唔睇好法國，因為佢哋冇咗幾位主力球員，點知一路睇落去，對佢哋好似冇乜影響！所以純係足球較量，我睇高法國少少。（美斯最後一屆？）我又冇私心想佢捧盃，佢又真係著晒火，分分鐘好似馬勒當拿當年咁一人救全家！」至於季軍戰，鍾志光同樣看好摩洛哥，他認為克羅地亞在過去的賽事「博到太盡」，摩洛哥今屆打得非常好，絕對有機會締造歷史。
愛回家丨鍾志光被觀眾叫佳叔感可惜 「我仍然覺得體育先係我舞台」【下一頁】
鍾志光續說：「十六強打後每一場我都冇錯過，決賽一定睇，不過喺屋企一個人睇！其實過往幾屆，香港中文大學都有邀請我同班大學生喺百萬大道睇決賽，上屆我受邀去澳門決賽之夜講波。今年受到疫情影響，大學冇搞，商場亦冇邀約，可能真係三十幾年來，我第一次一支公睇世界盃決賽，真係從未試過！」
至於「足球小將」黃庭鋒忙於拍劇和其他工作，同樣都有捱眼瞓睇波，「四年一次捱吓夜冇問題嘅！（決賽心水？）好矛盾！我同好多人一樣想美斯得到冠軍，我去過阿根廷比賽識咗啲朋友，我知南美洲都好團結，亦覺得美斯佢好值得攞。宏觀去睇，法國前中後一樣咁勁，睇晒咁多場波，法國真係冇得輸，而且佢又係上屆冠軍，心理質素相信比對手高，反而擔心阿根廷過分想贏，會帶壓力去踢。」他同樣認為摩洛哥火力比克羅地亞強，預計摩洛哥會小勝克羅地亞。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
撰文：楊安莉