《法證先鋒V》主角黃宗澤、袁偉豪、蔡思貝、蔡潔及洪永城，近日於「See Saw先」YouTube頻道宣傳劇集，接受「EQ訓練營」挑戰，輪流回答Mean爆提問，考驗5人EQ。最新一集蔡潔成為目標，她被嘲年多前在網上說及「關於我的20件事」，根本係冇人想知道，蔡潔尷尬得傻笑，並作狀用手抹眼淚想喊。
同場加映：百萬同居計劃︳魏浚笙嚴選同房首要乾淨冇鼻鼾 徐㴓喬想挑戰底線玩真人騷
{{hket:ul-video id="7170"}}{{/hket:ul-video}}
最初講到蔡潔化妝技巧高超的問題，有人話佢個樣次次唔同。蔡潔說：「係呀！我化妝技巧真係好好…我適合做演員，總之個樣就比較普通，扮乜嘢就係嗰樣嘢囉，即係可塑性好高。」黃宗澤突然爆料︰「有個出名剪片師朋友，剪片時發現蔡潔演過好多次強姦戲！」追問這是否個人專長，在旁洪永城問她是否「好識得演」？蔡潔回他一句「八公」，然後答：「咁我梗係識演啦！因為我冇試過，咁我只能夠『演』囉，係咪？即係演技都唔錯…」
法證先鋒V 丨袁偉豪遭洪永城黃宗澤夾攻練EQ 被寸「面癱視帝」：點止咁少料【下一頁】
黃宗澤、洪永城繼續夾擊蔡潔，一唱一和，黃宗澤Mean爆問蔡潔當日在YouTube拍《關於我的20件事》短片，「你覺得真係有人想知？」蔡潔面懵懵反問：「你想唔想知？」黃宗澤：「我冇睇過，唔好問我呀！哈哈！」洪永城踩多腳，「佢就係因為唔想知，所以冇睇…你覺得點解有人想知你嗰20件事呢？」蔡潔尷尬表示：「呢個問題應該係話，冇人有興趣知道我嗰20件事。」說畢作狀要抹眼淚話「我有啲想喊」。
拳王│蔡潔孖辮Look被指撞樣李佳芯 32歲華姐張張相唔同樣辨識度低【下一頁】
話題緊接扯到她「似李佳芯」，洪永城抵死說：「我個人就唔覺得，因為我覺得人哋靚好多。」蔡潔亦附和：「係！我都覺得人哋靚好多，同埋好多人喺我個page度話『喂，你唔好成日扮佢，同埋一啲都唔似佢呀』，跟住我就話『係囉！終於有人出嚟同我平反』。就係上次『See See TVB』出咗post話我似佢，搞到我畀人攻擊，你哋快啲幫我平反…」蔡思貝為她講好說話，她認為非指外貌相似，而是指氣質方面，雙方都是斯斯文文，屬於氣質女神。黃宗澤即反駁說︰「我知你嘅性格係點㗎！你唔好喺度扮嘢呀。」洪永城見狀追問她的真實性格是怎樣的，但黃宗澤未有踢爆，只係話「仲斯文」，把這話題完結。
（↓點擊放大睇圖片↓）
- {{hket:inline-image name="Image07.jpeg"}}{{/hket:inline-image}}
對於這次Mean爆的題目，蔡潔片尾講個人感受：「我覺得呢…都攻擊到嘅，少少！（有hurt到？）邊度呀…冇人想討論我嘅嘢囉，係囉，我努力啲…拜拜！」身旁蔡思貝即上前安慰她。
撰文：娛樂組
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】