陳煒憑《回歸》鄧麗娟一角入圍《萬千星輝頒獎典禮2022》的「最佳女主角」獎，成為視后大熱人馬。煒哥今年經歷人生大起大跌，但卻是她加入TVB以來最多產量的一年，正正反映出婚後的煒哥對演藝事業的一團火仍然旺盛，入行25年，加入TVB 10周年，煒哥望得獎作為一個圓滿的紀念：「獎一定爭，爭完要再更加努力！」
同場加映：百萬同居計劃丨練美娟夥拍型男黃德斌做夫婦 朋友勁羨慕：我終於甩難喇
陳煒曬完泳裝再有出浴照外流 網友噴鼻血召喚老公陳國強【下一頁】
煒哥今年先後推出《回歸》、《黯夜守護者》、《雙生陌生人》三套劇集，其中在《回歸》之中飾演媽媽的角色，除了跟郭晉安的角力情節外，她跟周嘉洛和吳偉豪兩個仔之間的母子情都扣人心弦。「加入TVB咁多年，今年算係最多產，有兩套入到圍，我自己信心都大咗。特別係《回歸》，因為我自己咁啱都係入行25周年，正值又係香港回歸，好有緣份。」她坦言拍攝《回歸》時由於疫情嚴重，劇中有不少演員確診，令劇集縮短在一個半月完成，幸好演員們都齊心專注，最終播出時反應非常好，相信不少港人對劇情的故事都很有共鳴。
今次角逐「視后」寶座的還有鮑起靜、江美儀，大家都是出身亞視，同樣是好戲之人，煒哥說：「我哋幾位資深啲，當然好開心，鮑姐演技係毋容置疑，做任何角色都遊刃有餘，好多次劇集佢都演我媽咪，佢係大我兩輪嘅牛女，我哋成日都見面有聚會，佢一定係最好。至於江美儀係同我同年入行，拍《屋企有個肥大佬》有合作，讀書年代已經認識佢，佢演戲一路都好穩定，掌握得好好。」煒哥謙言自己發展較兩位遲，過往都努力追趕上她們的好成績，「其實唔止我哋三個，姜皓文、袁文傑、蔡國威等等幾位亞視出身嘅朋友，今年都有好多好好嘅發展機會，我都好戥大家高興，不過我唔會讓賽呀！哈哈哈！大家感情好好，不過既然有比賽，就一定要全力以赴，我未攞過女主角獎，今年加入TVB第10年，第六次提名女主角，我自知好幸運，我知道機會係好難得，希望完美嘅十年得獎就令我可以錦上添花。」
回歸｜視帝郭晉安怒摑陳煒戲想借位？ 陳嘉慧收錢向徐榮通風報信【下一頁】
煒哥憶起十年前加入TVB時，抱著膽戰心驚的心情上陣，「當時係人生比較低谷嘅時間，初到TVB信心不足，所有嘢要由頭開始，感情又冇寄托，所有嘢都要自己承擔，幸運係身邊好多人畀信心我，好多演員同監製合作過之後，慢慢建立出陳煒鮮明嘅形象，事業上真係希望更上一層樓，有前輩同我講：『你未盡呀！繼續努力！』，我都覺得好多劇集種類都未發展到，希望繼續做好戲。」
今年跟醫生男友陳國強結婚，成為幸福人妻，但她揚言不是「上岸」，她說：「可能今年上半年比較沉靜，因為爸爸過世，冇做好多宣傳或者社交平台放好多靚相咁，由我結婚開始就開朗番好多喇！上岸？唔會啦！爭埋獎先呀，爭完都可以繼續努力，先生都覺得我事業好重要，好尊重我做開心嘅事，所以冇需要亦冇諗過要減產，最緊要係照顧到佢起居飲食，咁就冇問題喇！」
問到會否想領獎在舞台上公開答謝爸爸？煒哥提到亡父不禁眼濕濕，她說：「有機會上台我一定會講，今年的確心情上落好大，所以我覺得今年拍《回歸》呢套劇真係好有意義，加埋『阿女』炎明熹首歌，好多感觸，每次播我都會喊，同至親嘅人要分開兩個地方但仍然惦念對方，嗰種感覺好深刻，首歌亦唱入我個心入面。」而呢個「乖女」炎明熹亦落力為煒哥拉票打氣，拉攏所有「Gi炎粉」all-in投票支持煒哥得獎，「兩母女」戲裡戲外都一樣Sweet！
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
髮型：Chris Cheng@ILCOLPO
服裝提供：MARELLA
場地提供：AVEDA.IL COLPO
撰文：楊安莉