微辣丨加蔥Joe滿足YouTuber身分不敢認星 搞舞台劇放笑彈：想大家輕鬆笑吓

YouTube界大受歡迎的微辣成員加蔥、Joe及Yelo等將聯手舉辦舞台劇《一年之計搞乜春》，以魔術、音樂和舞蹈跟香港網友一齊賀新年。疫情三年來，微辣搞騷原來不是第一次，就算預約好場地、拍好海報等，都因為防疫措施而打退堂鼓。今次迎來2023年新一年，各地防疫措施都開始鬆綁，他們認為絕對是一個契機，將歡笑帶畀「鬱」足三年的香港人，大家輕鬆笑番一晚。

同場加映：MC紅館騷望與亡父有連結 最怕體能唔夠搵「賦二代」幫手？

{{hket:ul-video id="7280"}}{{/hket:ul-video}}

《一年之計搞乜春》將於2023年1月23、24日在Star Hall舉行，部分微辣成員會參與其中，加蔥和微辣創辦人六毫子是好拍檔，二人喜歡魔術表演，由細到大經常在舞台玩，反而同拍片是兩回事，「上一次嚟香港開騷係2019年，當時反應好好，今次轉個更大嘅舞台，舞台可以即時睇到觀眾反應，不過都係驚純魔術會悶，所以加入戲劇同唱歌跳舞元素。其實唔想有太多爆肚，不過我對手係六毫子，佢就成日唔跟劇本，佢又係老闆冇得迫、冇得鬧嘛！」Joe笑稱自己轉數唔夠快，好怕舞台劇會講錯說話兜唔切。

{{hket:inline-image name="DSC07074.jpg"}}{{/hket:inline-image}}

{{hket:inline-image name="DSC07087.jpg"}}{{/hket:inline-image}}

{{hket:inline-image name="8163642c-98d9-47d0-9205-066331e44cfb.jpg"}}{{/hket:inline-image}}

疫情三年來對YouTuber都有一定的影響，加蔥認為他們不算最辛苦的一群，不過的確三年間兩度搞騷，甚至影好海報準備宣傳工作，但無奈都是要受制於防疫措施而退卻。「今次呢個騷都係排除萬難先搞到，叫守得雲開見月明，（驚唔驚大家抗疫太耐笑唔出？）唔驚，呢啲時間更加應該要開心，同埋新年嘛，香港人需要有方法去釋放，我哋嘅目的都係咁樣。見呢排多番啲好消息，大家見到希望，咁啱有個騷都幾好。」

{{hket:inline-image name="DSC06977.jpg"}}{{/hket:inline-image}}

{{hket:inline-image name="DSC06979.jpg"}}{{/hket:inline-image}}

{{hket:inline-image name="DSC06957.jpg"}}{{/hket:inline-image}}

{{hket:inline-image name="DSC06985.jpg"}}{{/hket:inline-image}}

Joe坦言事隔三年再來香港，再遇Fans感到非常興奮，每次見到Fans主動打招呼和要求合照，他就十分感恩開心，「我平時好鍾意做運動，疫情期間因為要封，所以唔可以出街，拍片又唔可以喺街拍，幕後同事都好辛苦！三年後，我終於嚟到香港，聽番啲Fans嘅聲，特別開心。（疫情後最想去邊？）我想去曬太陽，不過我都怕黑，我同朋友一齊去沙灘，我係要拎把太陽遮遮住自己，我都怕曬黑呀！」

圓潤不少的加蔥搭嘴「賴」疫情，「係囉我肥咗咁多，最大鑊要買過晒啲衫，我都想做運動呀，不過冇得出街，叫外賣又方便到死，送到上嚟又好味，冇嘢做就打機，打完機又攰，攰就瞓囉！最掛住係香港蔥油飯同魚皮餃，真係好正！」Yelo原本兩年前打算來港暫居，好好尋找演出的機會，可惜疫情打亂計劃，希望往後可以再多多嘗試。

加蔥、Joe和Yelo各自有不同的Fans支持，但他們從沒想過自己是「星」，Joe稱自己出入都係搭地鐵，融入市民當中，「講自己係星都畀人笑啦！」而加蔥表示：「絕對唔覺得係星，真係冇，YouTuber呢個身分會舒服好多，就算拍過戲，我都係拍過戲嘅YouTubers啫！對我而言張敬軒呢啲先係星！（細個冇幻想過做星？）冇，我細個淨係想做殭屍，因為睇《我和殭屍有個約會》睇得多，我梗係做將臣（甘山飾），唔做況復生（張國權飾）咁流啦。」Yelo笑指加蔥的身形圓潤，一定是住在捐血中心旁的殭屍，每天飲血量充足才會有「脹爆」的身形，認真搞笑！

他們坦言YouTuber的路越來越唔容影，畢竟頻道已經有一段時間，他們都要不斷思考新題材，不可以一條工程走到尾，希望越做越好，得到大家的支持。

{{hket:inline-image name="DSC07108.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

攝影：何家賢
撰文：楊安莉