由資深製作人楊紹鴻誠意打造的港台節目《一起走過》，合共三輯為聽眾帶來不少美好回憶，由2020年初代拍檔江美儀，再到寶珮如、文頌嫻接捧做主持，前後訪問了多位圈中藝人朋友，包括譚炳文、米雪、胡楓、高雄、孟海、鮑起靜、駿雄、陳秀雯、南紅、劉江及鄭伊健等，可謂贏盡口碑及收聽率。
同場加映：炎明熹認乖女因一事激嬲姑丈怒罵 明年18歲望滿足歌迷開紅館個唱
踏入2022年最後一日，亦是《一起走過》第三輯最後一集，楊紹鴻落足心機去搵終極壓軸嘉賓，不惜自費機票及食宿，去新加坡走訪一代粵語歌后麗莎，為自己一手一腳湊大的節目畫上圓滿句號。楊紹鴻接受《晴報》獨家訪問，指這集如此落重本，真的是想有個完美結局，「節目原本12月頭就完，監製提議好頭好尾，不如做多幾集，剛剛好12月31日星期六係最後一集，於是諗到去訪問一代粵語歌后麗莎。始終《一起走過》特式係好豐富懷舊色彩，由藝人分享過往嘅點滴。」
一起走過︳謝寧被爆拍劇遭男主角博懵掃胸 完全無印象：原來畀人恰過【下一頁】
年過70歲的麗莎是經典金曲《相思淚》的原唱者，一代歌后鄧麗君也曾翻唱此曲，聽到開頭幾句歌詞「情人別去後人消瘦，相思別離惹人愁…」，資深樂迷們一定很熟悉。麗莎還有另一首名曲，就是胡楓經常在台上表演的《百花亭之戀》。楊紹鴻預告麗莎會分享昔日無病無痛昏迷11年的經歷，還會大談她的近況，詳細內容當然留待大家收聽。他明白凡事有始有終，跟港台已經合作至今，可是人情卡已碌爆，加上返泰國前跟一些藝人未能碰上，所以決定不再添食，「好多藝人朋友唔做訪問，惟有見好就收，講真節目酬勞又唔係好多，做呢個節目唔係為錢，為錢就唔會自己畀機票同酒店去新加坡。」
《一起走過》第三輯丨楊紹鴻孖文頌嫻細談藝人起跌 曾邀MIRROR 2子：檔期就唔到【下一頁】
楊紹鴻返泰國前為港台拍攝電視節目《一起走過的歲月》，可謂《一起走過》的一個延續，追問他播出時間？他說：「通知咗我，1月1日星期日下午5點半喺港台電視31播。當時聽完『哦』咗一聲，唔明點解有個咁好節目，邀請咗26位大家熟識藝人上嚟，一來大家係畀面，二來都叫宣傳自己，只係唔明白會放喺呢個時段度播，仲好期望喺黃金時間出街。」
（↓點擊放大睇圖片↓）
《一起走過的歲月》邀請了姜皓文、袁富華、米雪、雪梨、韓馬利、杜燕歌、吳浣儀、白彪及魚頭允（劉允）等知名藝人做嘉賓，身為資深製作人的楊紹鴻在電視圈打滾了40幾年，曾經都是電視台的高層，不明白港台今次會如此編排節目，感覺失望又帶點無奈，質疑放在這個時段的用心，為何沒有人去提出意見，「個個嘉賓有頭有面，有好多仲攞過金像獎，係咪當中有啲咩問題？講真呢個又唔係外判節目，質素方面唔係問題，莫非係我訪問得唔好？若果係就導演當刻會講出嚟，呢次節目受訪嘅嘉賓朋友對呢個節目滿心期待，所以係有啲莫名其妙！」
事情有新的進展，楊紹鴻最新接獲港台回覆，解釋星期日下午五點半是不錯的時段，不過收到他和一班藝人的意見後，或會考慮安排《一起走過的歲月》在另一時段播出。
撰文：梁榮達
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】