TVB新五虎丨何遠恆與李彩華分手神隱四年 逆生長如初出道周文淇讚似金宣虎

「TVB新五虎」之一何遠恆曾經係TVB力捧小生，不過佢嘅幕前表演未見突出，僅以《殭屍福星》（1996年播出）中飾演陳曉東的角色的情敵較為人熟悉。後來退出娛樂圈，到內地發展冷氣生意。早年因為同李彩華拍拖而再次「見光」，不過隨二人分手「神隱」。何遠恆近日終於出現喺藝人朋友周文淇嘅社交平台上，事隔近5年何遠恆冇老過不特止，仲逆齡生長，認真犀利！

同場加映： MC紅館騷望與亡父有連結 最怕體能唔夠搵「賦二代」幫手？

{{hket:ul-video id="7280"}}{{/hket:ul-video}}

周文淇post出同何遠恆嘅大頭合照，佢透露去食米芝蓮印度菜，仲要係識人訂位先食到嘅級數，相當隆重其事，周文淇留言：「難得兒時朋友仔喺香港，梗係吃好西啦！」

相中見到何遠恆皮膚非常光滑，係有少少黑眼圈，而且比起5年前清減，睇落仲更加young！周文淇仲大讚何遠恆似韓仔金宣虎，二人玩得盡興，最後去埋酒吧繼續飲酒傾心事，大談中年危機要點樣處理。

{{hket:inline-image name="3.jpeg"}}{{/hket:inline-image}}

何遠恆神隱多年，幾年前擔任《星光匯聚成翡翠》嘉賓，表示「TVB新五虎」呢個名號可以刻喺歷史上，網民永遠能於網上查到，對佢嚟講係一件好榮幸嘅事。

何遠恆1998年淡出幕前，一度與其餘四虎失去聯絡，古巨基接受媒體訪問時曾稱，大家都討談過點樣先搵到何遠恆。結果，2018年古巨基成功邀請到古天樂、何遠恆、吳家樂和劉愷威擔任紅館演唱會嘉賓，五虎上台重新擺出當年甫士合照，四虎除咗大談對古巨基印象，仲大跳古天樂《今期流行》拜神舞，全場觀眾勁有共鳴。

何遠恆曾經與李彩華有過一段情，2015年二人因朋友介紹而認識，拍拖3年和平分手。當時李彩華回應指分手並不涉及第三者，而係婚姻理念達唔到共識而忍痛分手，亦喊住表示何遠恆係佢遇到最好嘅一個男人；記得對方分手時仲同佢講，無論以後點樣都會當佢係一家人，奈何大家已走到盡頭。

撰文：黃蘊姿