一起走過︳林利憶做健身中心店長曾被潑屎 初出道扮型行彌敦道博人認得

林利這次擔任港台《一起走過》終極結局海外篇的嘉賓，在泰國接受主持人楊紹鴻訪問，細訴入行幾十年的起起跌跌，包括早年在台灣短暫轉行的原因及辛酸，曾被傳媒以「撈唔掂」、「窮到燶」的字眼來形容，當然亦有講到同老婆陳貞均（Erin）的關係，實行在節目內盡訴心中情。

{{hket:inline-image name="facebook2022122901.jpg"}}{{/hket:inline-image}}

{{hket:inline-image name="facebook2022122903.jpg"}}{{/hket:inline-image}}

同場加映：炎明熹認乖女因一事激嬲姑丈怒罵 明年18歲望滿足歌迷開紅館個唱

{{hket:ul-video id="7290"}}{{/hket:ul-video}}

現年56歲的林利是1982年參加《新秀歌唱大賽》而入行，他坦言不是從細喜歡唱歌同做戲，十幾歲在鴨寮街幫人睇檔收買爛銅爛鐵賺取零用錢，當時最流行播的是歌神許冠傑的《半斤八兩》，聽得多便開始培養出唱歌興趣，於是16歲時去參加《新秀》，幸運地被公司睇中簽約。林利表示：「好開心，冇攞獎都有機會做歌星，梗係冇再返鴨寮街，當年人工都係15蚊做一個晏晝，老細睇咗我比賽都唔請我，以為我可以當做巨星，因為嗰個年代上到電視已經係不得了嘅事，雖然唔係入到三甲，你都係好多人識。對我嚟講太新鮮，由旺角來回行去尖沙咀，係點解呢？係因為想被人睇，被人認出林利，嗰種優越感真係好high。（有被人認得？）真係有人認得，有人攞簽名，所以條街就行唔完、行嚟行去，諗住自己就嚟紅嘞，嗰時年紀仲係細，冚咗自己一啲無知…。」

上月對外宣稱離婚｜「老婆」陳貞均控訴被男人暴力相向 林利情深吐苦水：忘了妳已經走【下一頁】

出道後跟胡渭康、孫明光組成男子組合「小虎隊」，林利出唱片又去日本東京音樂節比賽，首本名曲有《伴我啟航》及《忍著淚說Goodbye》，可惜最終三人拆夥，他繼續留在無綫拍劇，但1989年毅然往台灣發展。林利說：「拍咗一輪自己有啲轉變，原來自己唔夠料，拍埋其他演員身邊十足一個𡃁仔，最記得有次同周潤發拍戲真係腳震、唔識講嘢，有幾日瞓唔到覺，因為冇拍戲嘅經驗。到我19歲時《新秀》已經去到第5屆，不斷有新人出嚟，又被人話係老臣子，拍嘢又越嚟越冇信心…，後來開竅想通由另外一張白紙再嚟過，轉去台灣嗰邊發展，覺得由新人開始就綽綽有餘，我前面嘅經歷唔係個個有，就咁孭個袋過去，冇同其他人講。」

結婚3周年｜林利前日Po相紀念結婚3周年 反高潮向老婆提離婚今日簽字【下一頁】

林利當年過台灣正值電視台蓬勃時期，成功毛遂自薦以新藝名「林立洋」出道，當上一線演員及出個人唱片，但隨住台灣偶像劇及本土劇興起，男一位置被小鮮肉逐漸取代，他選擇暫時轉行做其他的工作。對於傳聞轉行去做導遊及髮型屋，林利話：「好多人講我好唔掂要轉行，不嬲對人生好平淡、簡單，唔想同人爭嘢，眼見唔少人事變動，令我變得冇安全感，成日等人打嚟畀通告係好辛苦，於是把心一橫去搵工做，因為大家識我而搵唔到工做，後尾搵咗一間大型咖啡室，日本人老闆唔識我，請咗我做待應7個月…，後來被一間連鎖式健身中心老闆睇中，我又鍾意運動又唔使做文書，於是由接待開始做起。（當年被媒體大肆報道？）有，用好難睇嘅字眼都有，撈唔掂、窮到燶，咩都有，我唔當一回事，我好快做咗旗艦店店長，但服務業原來好難做，尤其係會員制，試過畀一個外國人因為廁所塞咗，佢將排泄物屙落毛巾，跟住掉落我身上，服務業係唔可以say no，客人跌倒要講sorry又要賠錢，有好多奇奇怪怪嘢。」

（↓點擊圖片放大↓）

提到同陳貞均結婚三年幾屢傳婚變，林利強調夫妻間只是少溝通，現在感情是越來越好，「我係好鍾意家庭，所以好急住搵個老婆，咁多年都搵唔到啱，我對另一半係好有要求，後尾搵到都係風風雨雨，老實講太太係後生過我十幾年，始終年紀係細，有好多嘢需要磨合。呢十年我要照顧媽媽，少咗返去台灣，呢段時間坐疫情監前後130日，兩邊走攰到不得了，老婆實會耍吓脾氣，成日都見唔到好似有名無實，會有好多嘢傳出嚟，佢啲朋友又會有嘢講，咁老婆始終需要𠱁同包容相處，只不過係大家冇溝通，好多時變咗估估吓，信任度就差咗，呢一、兩年就好啲，唔係報道寫得咁嚴重，而且仲越嚟越好。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】