COLLAR在「2022年度叱咤樂壇流行榜頒獎典禮」上獲得新生軍組合金獎，八位成員終於「合體」領獎，期間隊長Gao叫大家準備好，準備叫「團隊口號」時，Gao一度感動哽咽，而身旁的芯駖已經哭成淚人，非常感動。COLLAR即場表演《OFF/ON》一曲，八女勁歌熱舞表現滿分，特別是So Ching（蘇芷晴）重新歸隊，完全沒有落後，非常賣力唱唱，當她獨唱的時候，全場都報以尖叫聲瘋狂支持，相當有愛。
同場加映：劉穎鏇自小患嚴重濕疹曾向媽媽發脾氣 爸爸陪來港發展與母分隔：我好自責
2022年度叱咤樂壇流行榜頒獎典禮丨謝安琪哽咽怕爸爸唔記得自己 MC聞熊仔頭道歉：遺憾未有超市代言【下一頁】
不過歌曲的最後Ending甫士時，成員Day（許軼）明顯站不穩向前仆，幸好站得住，但她有點驚魂未定，一臉慌張點頭鞠躬才離台。事後，COLLAR七位成員接受訪問，Day缺席，經理人解釋Day因肚痛不舒服要休息，未能接受訪問。Gao表示：「今日第一次八個，非常激動，我都冇預計過，諗住唔會緊張呀啦！（叫團號好激動？）呢句由Day One向大家介紹自己，到而家再一次上番舞台再講，真係好激動！特別睇到台上好多人鼓勵，好感動。」芯駖透露，嚟緊COLLAR有好多計劃，1月12日係佢哋有一周年日子，有表演、新歌同產品，感激大家耐心等待。對於她在台上兩度流淚，芯駖回應時再度落淚，「我真係唔爭氣，我好感動因為我哋好耐冇合作，呢排都好忙，梳化服大家都好辛苦，我哋真係好犀利，好多人等我哋！」
提到COLLAR表演比以往進步，Marf認為表演係由內在發出，「今次我哋真係好感動，大家鼓勵真係好大，拎呢個獎別具意義！」So Ching受訪時表現堅強，全程面帶笑容，「我都好興奮同開心，因為隔差不多半年先同七個成員終於一齊表演，多謝大家呢半年來雖然冇齊人表演，但都繼續支持我哋！（男友阿Mo支持？）我同佢有共識，佢好支持我每一個決定，佢好開心見我活躍番，對佢嚟講對康復同治療係一個好大動力，所以我相信佢係會好，希望大家會佢好好祈禱！」問到阿Mo的情況，她表示透過Siri可以溝通，對方一直進步，「經過呢個咁長時間，各方面都增加到溝通，佢各方面都係向好，而且穩定，我同男友都覺得我要有番工作，唔想辜負我嘅成員同Fans，而且今日係新一年，希望一直向前。」So Ching透露從沒有想過退團，新年願望只得一個，希望大家繼續為她男友祈禱。
2022年度叱咤樂壇流行榜頒獎典禮丨COLLAR合體八女手拖手出場 So Ching身形清減歡顏再現獲全場鼓勵【下一頁】
對於公司一直未有回應事件，反而COLLAR同MIRROR要公開面對，So Ching稱對於公司和阿Mo之間的問題，留待公司和阿Mo家屬去回應，Marf表示：「我哋一直以來都係整裝待發，當中需要時間過濾調整去見番大家，大家新年快樂！」COLLAR隨後再獲得叱咤樂壇組合銅獎，芯駖再次爆喊，連隊友都笑她：「又嚟？」Gao表示：「今年大家過得不容易，經歷好多，但呢啲經歷令我哋更加強壯，嚟緊做我哋應做嘅事畀大家睇！」
而MIRROR在台上領取「叱咤樂壇組合」金獎，副隊長AK負責發言，他感性說：「今次頒獎禮台上我哋唔能夠齊人，但今次比往年更加團結，今年真係經歷好多事，多謝團隊，一直以來陪住我哋，見到我哋同COLLAR都上番台，真係好開心！」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
採訪：王連連
撰文：楊安莉