海港城╳日本刺繡藝術家 推限量版刺繡利市封

黛安收到風，今年海港城請咗日本刺繡藝術家森本繭香（Mayuka Morimoto）創作6幅喜兔花繡圖，製成今年嘅「喜兔迎春」刺繡利市封；同步仲會推出「兔仔耳」手挽雙面利市袋，喺本月6日至21日作慈善義賣及換領，所有收益將撥捐「香港血癌基金」。海港城亦會喺海運大廈二階入口設置「新春許願池」及展出森本繭香嘅作品，祝福大家幸福安康。

利市封一套6款共18個，以精巧細膩嘅燙壓印花仿效刺繡嘅質感，立體呈現玉兔喺花叢中嘅姿態，好似藝術品咁靚呀。大家只要參與REWARDING EVERY DAY，消費滿$2,000及捐款$60即可換利市封一套，再捐款$60可換埋利市袋；如消費滿$15,000，更可免費換領利市封及利市袋；或者即場捐款$100都可換利市封或利市袋㗎。