麥玲玲內地「粉絲」多過汪明荃 零課金冇團隊吸粉全靠「貼地」

香港著名堪輿學家麥玲玲微博粉絲高達1386萬，數量比起所有無綫女藝人都要多。貴為一線花旦嘅高海寧、陳煒微博粉絲都只得148萬以及174萬，聲夢小花炎明熹雖然去年因《聲生不息》而喺內地出咗名，但微博粉絲至今仍未破百萬，而阿姐汪明荃都只係得209萬，所以唔少人都好好奇玲玲師傅係點樣得到咁震撼嘅粉絲數量。

同場加映：  劉穎鏇自小患嚴重濕疹曾向媽媽發脾氣 爸爸陪來港發展與母分隔：我好自責

{{hket:ul-video id="7331"}}{{/hket:ul-video}}

麥玲玲未曾喺內地出演過任何節目，佢接受《晴報》訪問時表示而家身在深圳，而佢嘅粉絲數都累積咗好長時間：「因為之前要隔離，間中去做嘢，搞到要有段時間長期喺嗰度。其實我加埋小紅書、抖音，其他平台，應該都有1500幾萬，因為我好早年就開始營運，2013年左右開微博，當時有700萬左右，Do姐話我有成個香港人嘅人數。」

{{hket:inline-image name="792f97a585633a0f093461c87023887dsaasftp20200221.jpg"}}{{/hket:inline-image}}

至於講到點樣可以儲到咁多粉絲，佢表示原來同煮嘢食一樣，一字既之曰「心」：「我自己親手營運（社交平台），而且冇搵人幫手，因為要用心去做，睇巿場需要，要留意當地嘅人關注嘅事去講，例如呢邊嘅年青人，會關注高考，而且佢哋好鍾意做政府工。所以要融入社會關注佢哋想知既嘢，所以寫有關嘅資訊畀佢哋，外面嘅人以為我用好大團隊，唔使㗎，（但如果）擺『行貨』會畀人知。但呢度唔係可以搵到大客，有時會有小生意，只係可以令到更多人認識你。營運呢啲就可以令個人貼地啲，做呢啲唔可以太離地，高高在上唔會知道社會發生乜事。」

另外，麥玲玲都會提供一啲關於娛樂圈嘅資訊：「香港今年進入四綠中宮，會特別啲，因為係文昌星、人氣星，所以年尾都有劉生（劉鑾雄）畀咁多資訊大家聽，今年有名氣嘅人之間會好熱鬧。」

麥玲玲又表示微博有唔少人借用她的名稱呃like，山寨貨都會有50多萬粉絲，有啲仲真係會收人錢算命。有粉絲知道真相後會搵返佢，佢都會免費幫佢哋。麥玲玲玲玲堅持唔會為增加商業價值而「買粉」，亦見過其他行家買完之後冇再畀錢就狂跌粉。

圖片來源：東星娛樂