黃秋生飛溫哥華獲兒子心思禮物 否認移民台灣：走都要有個理由吖

黃秋生近日身在加拿大溫哥華接受李婉華的YouTube頻道直播訪問，李婉華到訪他的屋企，問到為何會飛到加拿大，黃秋生說：「主要係探仔，好耐冇見，（你個仔好靚仔！）一啲都唔靚仔，你個女幾多歲？19歲幾好吖，同個26歲嘅！」黃秋生間接跟李婉華對親家，認真搞笑！秋生和李婉華同樣是出身演藝學院，不過當時婉華未畢業就獲邀加入無綫展開演員拍劇之路，婉華大爆秋生在讀書年代已經赫赫有名，兩人隨後在電影《鬼迷心竅》更飾演一對夫妻。

同場加映：劉穎鏇自小患嚴重濕疹曾向媽媽發脾氣 爸爸陪來港發展與母分隔：我好自責

{{hket:ul-video id="7331"}}{{/hket:ul-video}}

台灣金馬獎丨黃秋生首奪金馬影帝惜亡母未能見證 張艾嘉感慨香港標誌消失與轉變【下一頁】

{{hket:inline-image name="wong1.jpg"}}{{/hket:inline-image}}

{{hket:inline-image name="wons.jpg"}}{{/hket:inline-image}}

秋生透露已逗留溫哥華差不多兩個星期，幾乎變化石，由於天寒地凍每天睡足12小時，「日日煮嘢食或者出去食，咁樣食法唔得掂，血壓升咗好多，170幾，返去一定要戒酒唔再飲，已經危險。（睇醫生？）唔使啦！食少啲、做吓運動就會OK！」秋生讚李婉華帶他去飲茶的食物質素不錯，他說：「我香港好少飲茶，尤其呢幾年，飲乜鬼茶啫？好似帶狗出街咁，又要登記呢樣，又要針紙口罩，使唔使帶埋張報紙去廁所？人好似狗咁樣。（而家開放番啦！）最危險嗰陣就開番，唉我唔識呀，我唔係專家，不過反正我唔出街，招又中過，針又打晒咪又係中招。」

秋生早前飛到台灣拍攝飲食節目，有傳他移民台灣，他否認其事，只是領工作證在當地工作，他說：「見香港冇乜嘢做，係我啫，唔係全部人，後生嗰班好多電影好多嘢做，咁我冇嘢做就去台灣拍個餐車節目，台灣工作係幾好，人好斯文，唔同文化氣圍。」問到會否考慮移民台灣或其他地方？他表示：「啲嘢全部喺香港，點走啫？要走都要有個理由走吖嘛，如果冇工作，咁住長洲差唔多啫，唔使走嘅，（你唔係好鍾意英國？）我好鍾意英國，好鍾意個文化氣息，不過我冇屋，去嗰度做咩吖？有錢消費就話多嘢搞啫，日日去博物館去睇書，周圍行下影相就好靚。」

黃秋生偶遇林青霞獲讚「演戲很好」 唔要求同大美人合照竟然因為咁？【下一頁】

他笑言疫情期間由於要飛來飛去工作，隔離生活太沉悶，反而讓他上YouTube自學結他，進度不錯。婉華問秋生有沒有閒情寫字，秋生說近來沒有，原來跟早前鬧翻的女助手有關，「以前成日寫字，跟以前個助理有啲交流，一寫字諗起佢，所以我就唔寫。近來終於放開咗，可以寫番字，我練字有啲成績，我唔想因為無謂人影響到。」黃秋生大讚近日電影《正義迴廊》中楊偉倫的演出，「我都有啲『卸卸哋』佢，如果今年（頒獎禮）入到圍的話，入圍都未必入得到，演員唔使一定我哋呢啲老鬼，有時睇佢對眼或者一兩張相，幾個鏡頭就知佢演成點，佢帶住個靈魂已經知有料，如果唔係，一眼就睇出係扮出嚟！」

{{hket:inline-image name="289616112_2457365294402863_4962576276872713187_n.jpg"}}{{/hket:inline-image}}

{{hket:inline-image name="ahsdhbbc.jpg"}}{{/hket:inline-image}}

{{hket:inline-image name="120234144_1921704064635658_3725537999404724463_n.jpg"}}{{/hket:inline-image}}

另外，秋生表示由於加拿大天氣寒冷，他準備的全部都是厚厚冷襪，但原來出入都有暖氣，唯一一對薄襪已經著到臭，囝囝特別送他一對新襪，款式跟印第安民族相近，相當合乎他的心水，令他大感滿意。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：娛樂組