萬千星輝頒獎典禮2022丨曾志偉向堂姐曾勵珍頒「萬千光輝演藝大獎」 「TVB係沒有打不贏嘅仗」

《萬千星輝頒獎典禮2022》今日舉行，「萬千光輝演藝大獎」今年由曾志偉親自頒發，他形容得獎人兼堂姐曾勵珍說：「呢個人好有霸氣，好多藝員見到佢都肅然起敬，佢入行超過50年，18歲入行做DJ先，之後加入電視台由PA做起，再做導演再做監製，監製超過一萬套劇集，所以先有呢個霸氣。」大會播出曾勵珍歷年來的經典片段，曾勵珍大感驚訝，羅樂林和劉丹率領《愛回家之開心速遞》一眾演員向她祝賀，連有傳得罪高層的蘇韻姿都有現身。

同場加映：曾比特牛下成長培養樂天性格 爆炸頭彈走負評成招牌標記

{{hket:ul-video id="7368"}}{{/hket:ul-video}}

萬千星輝頒獎典禮2022丨吳偉豪獲爸爸見證拎飛躍進步男藝員 郭柏妍得獎超「 騰雞」致謝好可愛【下一頁】

{{hket:inline-image name="aa9ecb9c-4d72-4f11-9d17-c7a9c5d8e415.jpg"}}{{/hket:inline-image}}

曾勵珍激動落淚，上台開腔就說：「曾志偉點解要咁呃我？」曾志偉表示開會時一直誤導曾勵珍得獎人是另一人，沒想到最終是自己。曾勵珍表示：「其實真係好開心，過去40幾年，TVB畀好好嘅平台我，畀我做一啲我好鍾意、亦好享受嘅工作，每日見到同事都好開心。多謝團隊，好多都係共事30、40年嘅同事，我成日講：『只要齊心，TVB係沒有打不贏嘅仗。』我見到好多藝人都係訓練班一步一步出嚟，繼續創造好成績。」

曾勵珍說：「工作幾十年，好想多謝我爸爸媽媽，自細就教我做人一定要心正，呢幾十年都係依隨呢個心態去工作，心正對我哋好重要，心正則路寬，心正之後就會有好多人幫你，公司好多同事、好多人幫緊，希望公司無論上下台前幕後，都能夠可以齊心、用心，令公司發展得更強大更優秀，同埋更有影響力。」

萬千星輝頒獎典禮2022丨《刑偵》陶大宇梁榮忠久違合體頒獎 鄧智堅蔣家旻大熱獲最佳男女配角【下一頁】

大會特別向今年離世的電視工作者致敬，大會播出曾江、利孝和夫人、祝文君、梁雄、余子明、徐忠信、盧雄、楚原、沈威、麥皓為、施路華、謝月美、朱子聰、何佳佳、顧家煇等人物的經典片段及照片，並由《聲夢傳奇2》的任暟晴和黃洛妍以鋼琴和小提琴伴奏，場面感人。

{{hket:inline-image name="d3ed8a9e-43c5-45e0-9fc2-fc5aa312cd9e.jpg"}}{{/hket:inline-image}}

《倚天屠龍記》的拍檔吳啟華和張兆輝頒發「最受歡迎電視拍檔」，他們笑言他們各自的最佳拍檔是蔡少芬和陳松伶，火花十足。獎項最終由《痞子殿下》的陳瀅、周嘉洛、JW王灝兒、朱敏瀚和張頴康得到。而「最受歡迎電視歌曲」由《白色強人II》的《Wish》得到，主唱JW王灝兒在台上說：「我拍緊《痞子殿下》時好多人問我係咪玩吓，我想講我唔係玩呀，我鍾意唱歌亦好鍾意演戲，我係演員同歌手JW王灝兒，多謝！」

{{hket:inline-image name="960c3983-bcaf-4163-975f-45186bc1f0e5.jpg"}}{{/hket:inline-image}}

{{hket:inline-image name="9800956b-d80c-4619-b34f-b9a3571e1051.jpg"}}{{/hket:inline-image}}

{{hket:inline-image name="1631bf60-47aa-45b6-a59c-530d2187f948.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

採訪：黃曉妍、黃寶蓮
撰文：楊安莉