《萬千星輝頒獎典禮2022》今晚圓滿舉行,大會頒獎16個大獎,當中有「大熱奪得」亦有「爆冷驚喜」,《下流上車族》成為劇集大贏家,分別奪得「最佳劇集」、「最佳女主角」、「最佳男配角」、「飛躍進步女藝員」四個獎項,相反呼聲本身不錯的《美麗戰場》只有2個獎令人意外。
同場加映:曾比特牛下成長培養樂天性格 爆炸頭彈走負評成招牌標記
萬千星輝頒獎典禮2022丨曾志偉向堂姐曾勵珍頒「萬千光輝演藝大獎」 「TVB係沒有打不贏嘅仗」【下一頁】
陳山聰憑《金宵大廈2》擊敗林敏驄奪得「最佳男主角」,他表示:「非常之感恩,喺我人生馬拉松入面,最難唔係面對自己失敗,最難係點樣由失敗企番起身而步向成功,今日我想同呢十年來幫過我嘅所有人講,我終於踏上成功嘅一步,多謝!」他多謝《金宵大廈》兩輯的台前幕後工作人員,特別是女主角李施嬅,「多謝屋企人,多謝我老婆,佢咁多年來付出咁多,幫我生咗個靚仔過我嘅仔Jaco,多謝你I Love You!」他事後接受訪問,得到視帝獎座是意料之外,對於擊敗林敏驄,他說:「有好多因素嘅,可能好彩啦!(經歷低潮再奪獎?)要失敗走到成功真係好難嘅事,我今日未算成功,只係一步步走向成功,呢個獎提醒自己要做得更加好,個獎要送畀我太太同個仔,太太辛苦照顧屋企,等我無後顧之憂可以工作,以後一直更加努力做好每個角色。」
而江美儀跟陳煒同樣是女主角的熱門人選,最終由江美儀得到,江美儀即時爆喊,「我冇諗過會攞到獎,多謝TVB頒呢個獎畀我,我以為我唔係親生女唔會攞到呢個獎。多謝《東張西望》,我話我想爹哋媽咪嚟睇,佢哋真係畀咗四張飛我,我上次攞最佳女配角佢哋冇嚟,我覺得好遺憾,多謝晒!多謝所有投票嘅人!」她表示以為鮑起靜贏或者「親生女」陳煒贏,沒想到自己得獎,對於林敏驄笑她是烏雞和食事後丸,「梗係唔嬲啦,最緊要靚!我事前事後都係啪丸,不過係維他命丸。(同煒哥講爭氣?)因為我哋識咗好耐,頭先後台講是旦一個攞獎都係爭番啖氣嘅!」問到得獎後會否原班人馬再拍劇?她表示:「未收到!」
至於「最受歡迎電視男、女角色」分別由《痞子殿下》周嘉洛和《愛回家之開心速遞》樊亦敏奪得,周嘉洛揚言會努力繼續去配得這個大獎,而樊亦敏得獎,《愛回家》上上下下都極為興奮,她答謝大家之餘,不忘用上經典的一句:「威哥~」認為搞笑!樊亦敏受訪時坦言得獎是意料之外,「娘家第一個獎係港姐,之後《好聲好戲》啦,真正演戲獎項呢個係第一個,我真係好鍾意演戲,只要身體可以,希望繼續可以演戲。」
萬千星輝頒獎典禮2022丨吳偉豪獲爸爸見證拎飛躍進步男藝員 郭柏妍得獎超「 騰雞」致謝好可愛【下一頁】
「最佳劇集」由《下流上車族》奪得,林敏驄先在觀眾席跟曾志偉握手,再施施然上台,林敏驄在台上為自己3月的演唱會賣廣告,隨後一本正經恭賀陳山聰和周嘉洛,他感性說:「個人榮辱好小事,識攞梗係攞終極大獎!見到咁多同事得獎,能夠參與呢套戲真係好開心!我係咪要多謝珍姐?我上次多謝佢,佢想打我兩巴!至於曾志偉,佢對我冇好過,一直等佢良心發現!我哋拍完之後同江美儀同佢食飯,我覺得佢比我更加了解我,呢個最好朋友默默守護喺你身邊,佢知道晒你可以做到乜嘢,知你有咩不足,適當時候推你一下,雖然多數都想推你去死...因為佢有一顆善良嘅心,呢度幾百人,我都數唔到有幾多個佢係幫助過!」
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】
採訪:黃曉妍、黃寶蓮
撰文:楊安莉