《愛回家之開心速遞》近日出現人事「大地震」，劇中突然交代熊心如（蘇韻姿 飾）跟朱天梯（梁証嘉 飾）一齊歐遊睇廠，被迫跟本來有感情發展的「風少」龍璟風（陳浚霆 飾）「斬纜」。有傳蘇韻姿因為拍劇遲到兼態度不佳，導致高層大怒而安排她暫別劇組「懲罰」，情況跟早前張景淳的待遇相似，但梁証嘉就無辜一點，兩人一同遠行，是否慘被「陪葬」？
同場加映：萬千星輝頒獎典禮2022丨JW超低胸勁撼胡定欣黑色性感誘惑 林敏驄踢波受傷撐拐杖行紅地氈
愛回家丨「程咬金」朱天梯再現破壞好事 A0風少勁Hurt狠心拒絕熊心如【下一頁】
蘇韻姿接受《晴報》電話訪問，她簡單回應說：「多謝大家關心 而家都係聽從公司安排中。」並加上兩個合十的手勢Emoji。蘇韻姿昨晚都有夥《愛回家》演員一齊亮相台慶頒獎禮，賀曾勵珍獲頒「萬千光輝演藝大獎」，全程都笑容滿面未見異樣，但就沒有接受訪問。
至於她的拍檔陳浚霆接受訪問說：「我都好唔捨得，呢段感情線，我同佢由開劇到而家5年幾，一齊拍到而家，我拍最尾呢一集嘅時候，我同佢兩個雙眼一望，忍唔住想喊，因為呢集寫得好好，亦好煽情。我相信佢好快會返嚟，我離開咗TVB都返到嚟劇組啦，佢應該都好快返，（佢成日遲到？）開會有傾過，開工準時係工作必要嘅，佢遲唔遲到我就唔清楚，（幫口？）我同呂慧儀、滕麗名同劉丹都有幫口。」
全城一叮X《愛回家》尋寶圖丨「歸蜀明」繆家慶結他自彈自唱笑中有淚 「英進」招浩明表演魔術令伍詠薇O晒嘴【下一頁】
交代熊心如和朱天梯離港的一集播完之後，緊接的一集「接龍一叮」，竟然又交代「尋寶圖」的歸蜀明（繆家慶 飾）要離港去哈爾濱分公司工作。網民在討論區大表不滿，他們認為劇組胡亂「趕走」重要角色、演員，令觀眾無所適從，紛紛去TVB Facebook和繆家慶的Instagram留言投訴，「咁即係又走一個啦」、「又走」、「唔捨得你」、「尋寶圖少咗你就不完整了」等等。
繆家慶接受《晴報》電話訪問，他表示：「近日收到好多朋友或網民表示唔捨得，好多謝大家對歸屬明嘅支持。人事調動屬於劇組正常安排，唔係傷感嘅事，多謝大家關心。我會繼續努力，以少說話多做事嘅態度做好演員嘅崗位，期待再同大家見面！」而他跟「尋寶圖」的演員和幕後工作人員都有合照留念，上傳IG，好拍檔招浩明留言：「在心中！」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
撰文：娛樂組