毒舌大狀丨黃子華指新派演員熱誠得好可怕 全靠何啟華應援滿足三餐

黃子華演戲經驗豐富，在賀歲片《毒舌大狀》以舊帶新，與何啟華（阿Dee）和楊偲泳等新生代演員合作，這個組合竟有意想不到的化學作用，子華笑指新派演員熱誠得好可怕，片場上不斷問戲求進步，不過他相當欣賞阿Dee的號召力，粉絲應援足夠他們應付一日三餐，他笑稱：「同佢拍多30年，咁我生活上就會無憂無慮！」

同場加映：萬千星輝頒獎典禮2022丨JW超低胸勁撼胡定欣黑色性感誘惑 林敏驄踢波受傷撐拐杖行紅地氈

{{hket:ul-video id="7377"}}{{/hket:ul-video}}

黃子華勁驚運氣好快行完 Do姐：佢以前衰到不得之了【下一頁】

{{hket:inline-image name="bncd.jpg"}}{{/hket:inline-image}}

黃子華上一套電影《飯戲攻心》票房衝破7000萬 ，挾着這個聲勢再夾住賀歲檔期，子華對《毒舌大狀》票房信心如何？子華笑言：「有信心，我追求藝術成就，票房對我如浮雲。」身旁的阿Dee及楊偲泳也忍不住笑，自言同樣是藝術上追求的阿Dee說：「我當然有票房壓力啦，話晒呢套都係出道第一部有份主演嘅電影，我唔知自己咩水溫㗎嘛，你睇吓我啲兄弟MIRROR個個都咁勁，個個都幾千萬票房，不過今次有子華神就定好多，總之我嘅壓力就係唔好輸蝕畀MIRROR。」子華表示《飯》片有陳湛文爆出，今次就睇好阿Dee，此言一出阿Dee當場嚇了一跳，楊偲泳亦表示：「之前喺ERROR演唱會，阿Dee啲fans都話佢哋會包辦百幾二百萬票房，所以壓力就喺晒『一哥』嗰度啦。」子華立刻推波助瀾，指整個農曆年都由阿Dee的fans包辦，他的fans留在農曆年後才入場。

子華表示拍攝過程相當順利，每場戲都做到90分，加上有粉絲「萬歲」直頭100分滿分，他笑說：「其實唔係何啟華萬歲，係何啟華團隊萬歲，我嗰啲萬歲只係『街邊叫』，佢嗰啲係精選，直頭米芝蓮級數。如果可以嘅話我希望可以拍多30年，咁我生活上就會無憂無慮啦。」楊偲泳表示阿Dee團隊準備的應援已包辦早午晚三餐，每餐都相當豐富。

《男親女愛》最後廠景︳黃子華鄭裕玲苑瓊丹唔捨得爆喊 Do姐話有人帶頭：佢平時唔會咁【下一頁】

阿Dee難得跟子華神合作，他直言都有趁黃金機會好好偷師，即表示：「咁當然有偷啦，淨係睇佢講一抽對白已經好好睇，哈哈！」子華解釋法庭戲每一句對白都要有證據有邏輯，不夠膽亂改亂「爆肚」，擔心會牽涉法律責任，問到是否多NG鏡頭？子華隨即回想到一場好深刻的法庭戲，他說：「最初我就講咗一大段戲，講完之後，導演突然行去群眾嗰邊，好大力咁鬧其中一個飾演陪審團嘅演員，就係因為佢一個動靜令到全場戲重新拍過，其實嗰個演員都解釋只係表現出佢幾咁努力去留心聽，但可能佢身體上嘅節奏，導演就覺得影響咗成場戲，我識咗導演咁耐，從來冇見過佢鬧人，但係呢一場戲佢鬧得好緊要，佢鬧完之後，全部人即刻醒晒，平時拍攝偶然都會有人瞌眼瞓，我哋就會叫大家留心啲，但係經過呢一日之後全部人都即刻精神晒。」

{{hket:inline-image name="kj.jpg"}}{{/hket:inline-image}}

在戲中尚算新的楊偲泳表示自己拍攝時亦會打醒十二分精神，就是擔心自己做錯少少動作都會累街坊，至於飾演師爺的阿Dee，雖然經常坐在後面，鏡頭亦未必對着自己，但他應付每一個動作依然不敢掉以輕心，他笑言：「我郁多少少個畫面就好覺眼，所以唞氣唔敢咁大，眼又唔敢眨，總之乜嘢動作都要細細地，成個畫面出嚟就係要好乾淨，明知個Focus喺前面，但我喺後面都要繼續做少少戲，類似場口經常出現，其實都係好好嘅訓練，我成日坐埋一邊去聽，從中學習。」

子華在戲中跟多位新進演員合作，問到他覺得這批新演員演出如何? 他表示：「佢哋真係好古怪，又好有熱誠，真係令人難受，嗰個王丹妮好似返學咁，大家鬥高分嘅，演技要研究喎，佢仲講到話我要為演戲死，我話搞錯呀！使唔使呀？真係好恐怖，佢哋好似食錯嘢定係新冠令到佢哋咁樣呢？」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

採訪：黃寶蓮
攝影：陳健珊