黃子華勁驚運氣好快行完 Do姐：佢以前衰到不得之了

黃子華和導演吳煒倫（Jack）今日接受由鄭裕玲（Do姐）主持的商台節目《口水多過浪花》訪問，為賀歲片《毒舌大狀》宣傳。黃子華指過去一年是自己大豐收的一年，包括3個作品，舞台劇《最後禮物》、電影《飯戲攻心》及《毒舌大狀》，他坦言很感恩遇到很好的角色，「3個都係正劇人物，3個角色都寫得好好，如果寫得唔好睇，我都冇乜興趣做，其實我幾鍾意做喜劇㗎！而家我有啲驚，我驚啲運氣行完咗。」

同場加映：曾比特牛下成長培養樂天性格 爆炸頭彈走負評成招牌標記

{{hket:ul-video id="7368"}}{{/hket:ul-video}}

{{hket:inline-image name="324267732_1349588522506459_3109642864105095668_n.jpg"}}{{/hket:inline-image}}

{{hket:inline-image name="324470507_934044321309033_2990139984869887765_n.jpg"}}{{/hket:inline-image}}

向來轉數快的Do姐，指黃子華以前的運程衰到貼地，「啲錢呢......你自己拍嗰啲乜乜保鏢，嗰啲衰到不得之了，而家都冇理由要你個人咁衰㗎，所以自從你喺《男親女愛》遇到我之後，一路一路咁好上去。」黃子華打趣回Do姐：「係呀，我喺屋企直情有香爐畀你㗎！」事緣在2002年，黃子華自資拍電影《一蚊雞保鏢》，可惜票房仆直，約收近22萬港元，令他蝕到入肉；及後他與梅艷芳合作的電影《男歌女唱》，票房欠理想，當時他被封為「票房毒藥」；2020年，他賣樓自資賀歲電影《乜代宗師》，由於受到疫情影響，票房只錄得2,945萬元票房。

《男親女愛》最後廠景︳黃子華鄭裕玲苑瓊丹唔捨得爆喊 Do姐話有人帶頭：佢平時唔會咁【下一頁】
對於今次跟新晉演員合作，黃子華讚他們很努力工作，「我係神嚟㗎嘛，佢哋好敬仰我，每人預定3支香畀我，我嘅感覺咪好似食香咁囉！」Do姐問他是否受落？黃子華想了一會兒才說：「適度啦！我覺得最主要係大家有個好嘅工作關係，喺唔越權嘅時候，我有提點佢哋演戲嘅竅門、態度，其實個個都好積極，好熱血。好似阿Dee＊何啟華），佢話『子華神，其實我最想嘅，唔係跳舞、唱歌，我最想係演戲，我人生最重要係演戲。』我覺得佢演得好好，其實佢哋對自己都好有要求。」

講到2023年賀歲片，除了《毒》片外，還有張敬軒、王菀之、魏浚笙主演的《超神經械劫案下》、甄子丹監製、導演及主演的《天龍八部之喬峰傳》等，黃子華說：「我都係覺得，只要係好睇，觀眾套套都會睇，一枝獨秀，呢個電影業係會死㗎！」

《男親女愛》花絮︳黃子華自爆最初唔敢接近「小強」 Do姐鄭裕玲徒手捉曱甴：天生唔驚【下一頁】

{{hket:inline-image name="10.JPG"}}{{/hket:inline-image}}

最後，Do姐問他之後接下來的工作計劃，黃子華大賣關子，說：「有，仲係非常震撼，但係秘密，你信我，大家期待！」Do姐不肯收貨，繼續追問：「電影？電視？舞台？返番去做棟篤笑？你哋上嚟唔放低少少，你咪旨意走，你又要講話好震撼，咩意思呢？識都識咗咁耐喇！」黃子華立即投降：「ok，我講，佢嘅震撼性僅次於我復出做棟篤笑！」Do姐聽後只拋下一句：「即係講咗啲乜嘢？咩係僅次於？幻象空間太大喇！」Jack為黃子華打圓場，「超碼頭先佢嗰番說話，應該唔係棟篤笑先啦，其他幾個範疇，大家就估一估！」Do姐只好不再追問。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】