少林足球︳Bob林盛斌憶當年過三關獲星爺周星馳揀中 為學業放棄演出：如果留低會點呢？

現年43歲林盛斌（Bob）入行多年，現在已是知名藝人，無論是司儀工作抑或演戲能力均獲得外界認同。Bob這日在IG憶及舊事，原來他在大學二年班時，在電影《少林足球》招募大賽過三關，星爺周星馳揀中他，去番禺拍戲個幾星期；可惜中途有些變動，拍畢的鏡頭要補拍，他為了學業而拒絕留低繼續拍攝工作。

{{hket:inline-image name="322667799_553900826779929_7530029565276310714_n.jpg"}}{{/hket:inline-image}}

{{hket:inline-image name="01134001.jpg"}}{{/hket:inline-image}}

同場加映：曾比特牛下成長培養樂天性格 爆炸頭彈走負評成招牌標記

{{hket:ul-video id="7368"}}{{/hket:ul-video}}

Bob憶述《少林足球》公開招募演員，在同學慫恿之下去參加，他幸運地進入第三輪招募，在遴選上重演星爺電影的經典場面，他扮演《食神》史提芬周。他說︰「好好彩，我得到幾高嘅分數，亦都係咁，我得到一個演出機會。然後有一日，劇組打電話嚟話畀我知真係要返內地，大約要拍兩個禮拜左右，跟住我就向學校請假，一條友坐船去番禺！」

林盛斌做呢樣產品代言人不可思議 極大迴響陳展鵬爆笑：真係好癲【下一頁】

《少林足球》有不少素人，Bob與「螳螂拳」同房，「即係周星馳問佢有冇一個幾毫喺身嗰個呀，佢真係好爆㗎！有一晚我見到佢喺床上搵啲蒜頭捽自己個嘴，我問佢做乜，佢話有啲皮膚敏感，個嘴好痕，咁樣做可以殺菌...我忍唔住出去藥房買咗支藥膏畀佢，佢見到支藥膏時，眼濕濕咁望住我！話好感動。」

林盛斌演徐富貴獲肯定眼濕濕 教囡囡和平面對Hater爆真實身家【下一頁】

Bob跟大隊在番禺拍了個多星期後，收到一個壞消息，「拍攝去到一半，基於有啲幕前、幕後嘅人事變動，我哋拍過嘅嘢要重新嚟過，仲要改劇本、改橋。當時我好擔心，唔知夠唔夠時間拍完佢，因為應承咗屋企人同學校要返去上堂。跟住當時執行監製定係製片...佢好好人話唔緊要，拍住先啦，盡量睇吓做到幾多咪幾多囉！但係我深知，如果繼續參與，應該需要留好長時間，所以最後我同佢講︰『好對唔住...唔好意思，我諗我真係要走嘞！』對方話畀啲時間佢同周生傾吓。」到第二日Bob收到回覆，星爺讚他過癮，想他留下來，「但係如果真係要應付學業，佢都唔想影響到我，叫我自己決定！最後，我同各人包括周先生逐一道別之後就返咗香港，臨走時劇組畀咗一封利是作為演出酬勞，而成件事亦告一段落。」

（↓點擊放大睇圖片↓）

Bob在文章末段反問自己：「過咗咁多年，有時都會心諗︰『如果當時繼續留低，到底我嘅人生軌跡，會係點呢？』如果你係我，嗰一刻，你會點樣選擇？」這段長文也有tag星爺，暫時未見他回應。

一星期前，星爺IG出帖文「新一年，有甚麼願望，通通講出來！」，Bob向星爺稱：「我嘅願望就係，你可以回覆我呢個留言。」想不到星爺相隔48分鐘後回覆一句「馬上」，不知是否因而令Bob想起《少林足球》番禺之行的經歷。

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】