愛回家丨張景淳呂慧儀初三赤口愛鬥嘴 感激龔水黨睇得投入 期待龔丸出世

兔年大年初三，《愛回家之開心速遞》飾演龔燁、熊若水的張景淳和呂慧儀（阿蟹）首次「合體」為《晴報》拍攝賀年特輯。兩人合作五年時間，默契十足，戲裡是新婚夫婦，戲外是鬥氣冤家，在粉絲心目中更是襯到爆的一對。今次赤口之日安排「龔水CP默契大考驗」，絕對是對CP關係的一大挑戰。

{{hket:ul-video id="7470"}}{{/hket:ul-video}}

景淳和阿蟹對對方的生日日期當然瞭如指掌，事關每年生日劇組都會為演員們慶生，輕鬆過關。景淳笑阿蟹是超級典型的「處女型」，潔癖之餘在疫情期間更是消毒噴霧不離身，相當誇張。阿蟹即時反擊，大爆景淳「腦洞」之大，平時拍劇對戲時突然放空。她形容景淳腦入面有無限個可能性演法，惟有靜待他如何出擊，自己作出相對的招數接應，正正是他們拍攝的樂趣之處。至於問到對方喜歡的顏色、食物及放假最愛做的事...想知他們的答案？當然留待大家睇片啦！

{{hket:inline-image name="DSC04269.jpg"}}{{/hket:inline-image}}

{{hket:inline-image name="DSC04280.jpg"}}{{/hket:inline-image}}

42歲生日丨張景淳獲粉絲豪擲22萬應援賀壽 包兩家主題店供市民打卡留念【下一頁】

兔年來臨，景淳和阿蟹表示有三日放假的日子，機會難逢會好好休息和陪伴家人，年初四啟市後，就返錄影敷互相派利是，景淳表示：「家人唔喺香港，新年都係同朋友聚吓，好多身邊朋友都結晒婚，我仲可以厚顏無恥咁𢭃利是！」劇中他們是新婚夫婦，過去一年有不少劇情都令兩人關係泛起小漣漪，景淳說：「由情侶去到新婚夫婦，講肉緊就一定係戀人未滿嘅階段，睇到人牙癢癢咁，結婚前後就比較小品式，現實生活中相信好多人都有共鳴，有經歷嘅人睇就最合適。」阿蟹笑言新婚後，大家比較「牙癢癢」的是他們的下一代「龔丸」幾時出世，她笑指編劇團隊天馬行空，劇情走向都說不定，景淳笑言：「我諗暫時未使寫《愛回家之BB來了》住，因為編劇可以安排佢隨時嚟探你...」阿蟹笑言：「其實都幾驚嘅，不過就畀好多想像空間觀眾！我希望《愛回家》以拍多十年八年，希望可以拍到我個仔18歲啦！」

愛回家丨熊若水變刁蠻嬌妻被觀眾嫌吵耳 張景淳為呂慧儀護航：放工溫文啲【下一頁】

過去由「龔水CP」開始發展，到他們拍拖、初吻、求婚、結婚等等，他們的粉絲「龔水黨」都給予無限量的支持，每逢大時大節如他們的生日、結婚周年、拍拖紀念日等等，粉絲們大灑金錢為他們安排應援活動，阿蟹說：「我都覺得好窩心，感覺《愛回家》一星期播足七日，就好似龔水陪伴住佢哋身邊每一日咁，我感恩佢哋睇得咁投入，好肉緊，幫我哋慶祝結婚周年、情人節咁，好甜蜜嘅一件事。」景淳認為龔水黨五年來的支持對整個拍攝過程和他真實人生都非常重要，五年之間有高低起跌，粉絲們一直好貼近他的事業，給予無窮無盡的支持，希望不止五年，未來更多的五年都能夠與「龔水黨」一路同行，成為互相的力量。「其實有時工作完返到屋企，開心唔開心都好，上社交媒體睇吓粉絲Tag我哋啲咩、剪咗咩新片咁，反而係我哋依賴佢哋，得到劇情嘅迴響之餘，亦吸收到大家嘅力量。」

{{hket:inline-image name="249163515_420760159651670_3532258684362649919_n.jpg"}}{{/hket:inline-image}}

{{hket:inline-image name="DSC04264.jpg"}}{{/hket:inline-image}}

{{hket:inline-image name="DSC04261.jpg"}}{{/hket:inline-image}}

問到龔水黨會否太投入而期望「龔水CP」現實生活成真？阿蟹說：「之前咪係囉，其實一路都係，（徇眾要求？）咁又好難呀喎，首先呢每個人都有自己生活，當然我覺得劇情入面好多想像空間，上帝有枝筆去寫呢個故事，但人生冇呢枝上帝之筆，而且冇乜時間（拍拖），我真係好忙，拍好啲戲先啦！」身旁的景淳笑言：「佢話咩就咩啦！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

場地：Studio Meta
攝影：王華婷、黃敬博 
撰文：楊安莉