星光路上│楊證樺出身演藝世家默默做小角色 爸爸與汪明荃同期藝訓班畢業

藝人的星光路上，未必每個人都平坦，他們未必起眼，未必有人認識，未必能夠平步青雲當上主角，演的都只是平平無奇小角色。在剛過去的《萬千星輝賀台慶》上，主持人如此介紹坐在觀眾席上的楊證樺，形容為「提名的十套最佳劇集，他有份參演八套，但入行34年從未試過提名」；司儀周奕瑋表揚對方的低調、默默付出，在旁的太太沈可欣亦感動落淚，藝人們紛紛都起立為他拍掌。楊證樺日前在《星光路上》上透露，其實父親都是演藝圈中人。

{{hket:inline-image name="09.PNG"}}{{/hket:inline-image}}

{{hket:inline-image name="10.PNG"}}{{/hket:inline-image}}

{{hket:inline-image name="11.PNG"}}{{/hket:inline-image}}

同場加映：洪永城組美滿家庭兼升呢做老闆 囡囡Amber腳粗特訓做舉重選手？

{{hket:ul-video id="7410"}}{{/hket:ul-video}}

於美國出世，香港長大的楊證樺，可以算是「星二代」，他11歲左右，見同學當起童星來，深覺有趣，便拉衫尾跟住去玩，一嚐演出滋味，自此成為了興趣。他的祖母為播音員陳怡，後父也是演藝圈人士（麗的呼聲1966年第一期藝員訓練班學員）。他說：「爸爸以前都係呢行，同汪明荃同期藝員訓練班。佢冇做呢行之後移民美國，我聽佢講工作點滴，好吸引。」

{{hket:inline-image name="yeung15_600_600.jpg"}}{{/hket:inline-image}}

{{hket:inline-image name="22046447_1572615576110898_7869664549035958935_n.jpg"}}{{/hket:inline-image}}

{{hket:inline-image name="05.PNG"}}{{/hket:inline-image}}

萬千星輝頒獎典禮2022丨抄曾寶儀金鐘獎橋段向楊證樺致敬 黃耀煌獲前輩鼓勵喊到變豬頭【下一頁】

超能使者丨高佬換肝絕望餵明仔老鼠藥尋死 楊證樺：太淒涼唔敢畀囝囝睇【下一頁】

楊證樺第一套劇是亞視的《闊少爺當差》，輾轉進入無綫藝員訓練班做旁聽生。在訓練班期間，學員由一張白紙開始，接受羅冠蘭等導師的訓練。他說︰「我哋由路人甲乙丙到慢慢被人認識，增加畀人用嘅機會。」拍《巾幗梟雄之義海豪情》做日本軍官時，只有寥寥日文對白的他，因為表現出色，監製李添勝畀機會加戲份，「我唔識日文，最初得9句日文，逐粒字學咗佢，學完個音再知個意思，膽粗粗就去演，叫好順利。添哥讚我做得好好，當時聽到我起晒雞皮，隔咗1個月左右，添哥再搵我，話嚟緊有集有8、9場戲，幾頁紙日文戲...我好大壓力但盡做。」他更自薦演《痞子殿下》冇樣睇到的猩猩，真的是有熱誠才能這樣默默付出。

{{hket:inline-image name="hda_600_600.jpg"}}{{/hket:inline-image}}

早前《超能使者》中，他飾演一位為了救兒子而萌生歪念的父親，拍攝一幕內心戲時，「聽完個故事，覺得好淒涼，嗰排keep住唔開心嘅狀態，一埋位拍攝就代入角色去做。有場戲講我上山搵仔，中途去咗買老鼠藥，我哋喺深水埗，周圍環境雜音太多，太嘈，要花上半個鐘去整理思緒，先至能夠投入到角色。」他熱愛演戲，卻曾定下目標，若未見成績便返回美國做髮型師，「心態已改變，演藝為終身職業。做演員做到死，做到人生尾站都有權做，只要你有心，又有人畀機會你，你都可以繼續做。」

楊證樺與太太沈可欣都是圈中藝人，在《愛回家之開心速遞》扮演Rebecca一角，成為焦點。他們於2015年結婚，育有兩個仔楊宏志、楊宏信。楊證樺自認嚴父，「我係惡爸爸，惡得嚟講道理，會畀機會佢哋，話幾次都唔聽先要罰企...有時我連媽咪都鬧埋一份！」

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】 

撰文：王連連