重視《喬峰傳》口碑多於票房 甄子丹：最緊要太太鍾意

甄子丹、王君馨（Grace）及呂良偉等前晚出席電影《天龍八部之喬峰傳》慈善首映，身兼監製及主演的子丹獲太太汪詩詩及姨仔汪圓圓捧場。詩詩十分喜歡新片，大讚猶如欣賞Marvel電影，「愛妻號」子丹笑說：「太太睇《葉問》都只係話OK，咁今次即係好高分，票房幾多都唔重要，最緊要太太鍾意。」對票房可有信心？他說：「票房好當然開心，人總有高高低低，首先做好口碑，只要有誠意、努力同愛，就唔會差得去邊，多謝演員同幕後搏晒命撑我。」

同場的Grace開心被子丹揀中合作拍戲，大感受寵若驚，她更趁機將以前拍攝的打戲給對方看，「我好唔怕醜，問甄生覺得我打成點，佢都教我點樣打得更好，如果下次可以同佢拍打戲，我一定開心到暈。」提到離巢無綫後工作有增無減，她表示多了不少新嘗試，過年後則暫時留港陪伴丈夫。