就是青春丨洪韻騏望新年北上回鄉探望嫲嫲 張鈊貽最愛打牌 康志維想谷IG人氣

HOYTV首個選秀節目《就是青春》的冠軍洪韻騏（Wincy）、亞軍張鈊貽（VALC）和季軍康志維（Edmund）齊齊準備一齊熱鬧過新年。佢哋好耐都冇拎起過毛筆，Wincy紅紙上畫兔仔大展畫功，非常唔錯！VALC笑Edmund年紀大但唔識打麻雀，決定約埋Wincy一齊當佢「水魚」咁劏，齊齊發個新年財！

同場加映：Patrick Sir關宛珊一家四口最緊要開心 疫情BB洋蔥頭牙牙學語識拜年

{{hket:ul-video id="7475"}}{{/hket:ul-video}}

就是青春｜「炎明熹勁敵」洪韻騏大熱奪冠 曾介意經常與GiGi作比較【下一頁】

{{hket:inline-image name="0001-8.JPG"}}{{/hket:inline-image}}

{{hket:inline-image name="0001-9.JPG"}}{{/hket:inline-image}}

Wincy、VALC和Edmund完成比賽之後，人氣慢慢提升，獲得不少人支持，令他們大感虎年「大豐收」。Wincy說：「好多親戚唔知我參加比賽，問我媽咪係咪真係我，大家都好支持，連澳洲姑姐都有寫信支持我，畀好多鼓勵我，好多中學師弟妹IG短訊畀我支持，IG Followers一定有多，不過條數上得好慢。」Edmund笑言比賽中最大得著是變瘦，雖然沒有刻意減肥，但由於面對很大壓力和密集的比賽流程，所以飲食都沒有胃口。剛滿18歲的VALC認為這一年過得不平凡，短短時間就要學習適應全新的環境，「呢一年好滿足可以突破好大，我以前幻想18歲就係做個出色嘅舞蹈員，我知好多老師同朋友都期望我做個出色嘅舞者，而家突然轉咗軚，自己有少少唔適應，感覺而家同以前夢想有少少抗衡，又好似要令佢哋失望咁。我要慢慢學習接受自己，唯一報答佢哋嘅方法就係要更加努力，畀佢哋知道我冇揀錯呢條路！」

{{hket:inline-image name="W3_1024.jpg"}}{{/hket:inline-image}}

TVB的《聲夢傳奇》、ViuTV的《全民造星》和HOYTV的《就是青春》三台的選秀節目各具特色，但比賽時難免有所比較，Wincy坦言經常被拉著同炎明熹比賽，但對她而言最重要是有一個舞台讓她可以表演同嘗試，玩得開心才是她的初衷。Edmund曾經參加過《全民造星》，他表示幾個電視台的目標標準不一，幸好自己把握最後的青春，讓他可以在這個舞台上發光發亮，問到會否挑戰演戲或者主持工作，他笑言：「口才要進修一下先可以，我唔排斥嘅，不過聲音方面行業會啱我多啲，我哋唔同ViuTV有成99個參賽，我哋18個入面個個都好唔同，大家各有風格，所以定位上都唔同。」而VALC說：「我對綜藝好有興趣，演戲都好想試，由細到大都希望可以挑戰一下。」

香港開電視丨《就是青春》18名參賽者正式亮相 《造星3》林躍翰參戰 仲有林峯個仔？【下一頁】

兔年來了，Wincy表示由於疫情的關係，已經三年沒有跟居住深圳的嫲嫲見面，非常掛住對方，喜見中港兩地通關，希望可以北上拜年，「每次Facetime佢，佢都會喊，因為佢啲仔女喺晒香港，我好掛住佢，雖然只係住深圳隔條河，不過真係好想見佢！」而VALC疫情期間都甚少外出拜年，過去兩年都跟父母和家姐留家打麻雀，「成日都輸畀媽咪，我哋認真打呀，真係要畀錢，不過我哋打好細啫！」Edmund稱自己完全唔識打麻雀，Wincy即時打趣約VALC同Edmund一齊打牌，「你唔識就啱喇！我哋可以贏晒你啲錢！」

{{hket:inline-image name="0001-41.JPG"}}{{/hket:inline-image}}

Edmund表示去年新年由於家人確診，在家隔離14日間，將新年賀禮全部倒入口，朱古力、餅乾等等食足14日，「我今年一定要衝出去拜年！」

三人都分別表達自己的兔年願望，Wincy希望可以盡快推出屬於自己的新歌，「我希望可以自己作歌畀自己，亦希望呢份工可以維持到生活，因為我想努力養埋屋企人。」Edmund大讚對方乖女，自己由於年紀較大，已經畀家用好多年，不過由於收入不穩定，所以家用銀碼都比較浮動，「願望好簡單，就係好想IG Followers快啲過一萬，我係咪要求好低？」至於VALC就想各方面都有進步。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉