黃建東虎年名利豐收狂接司儀騷 年初一跪地向父母拜年

黃建東在虎年名利雙收，他先後參演不同劇集，在《全能司儀選拔大賽2022》以優異成績，奪得《萬千星輝賀台慶》大會司儀的席位，他更在《萬千星輝頒獎典禮2022》獲提名「飛躍進步男藝員」。在今個兔年，黃建東坦言會繼續努力。

同場加映：愛回家丨張景淳呂慧儀初三赤口愛鬥嘴 感激龔水黨睇得投入 期待龔丸出世

{{hket:ul-video id="7470"}}{{/hket:ul-video}}

{{hket:inline-image name="3.jpeg"}}{{/hket:inline-image}}

他早前接受《晴報》訪問，黃建東表示家中有農曆新年傳統習俗，他說：「屋企人會買碌柚葉將全屋抹晒，又會買年花，希望花開富貴，亦都會買啲糖冬瓜、糖蓮子，就算我哋唔食，都想攞個好意頭。而且會換新衫、新內褲，總之全身都要新，而且一朝早，我同細佬會跪低，向父母拜年講祝賀說話。」提到農曆新年有不少禁忌，有說在大年初一不可以洗頭，黃建東說：「呢樣真係理唔到，通常年初一，反而大家都想靚啲去拜年或者做嘢，所以我會洗頭，唔想有頭油，黐𥹉𥹉咁樣去囉！」從來都覺得自己是肥仔的黃建東，為了把握每個工作機會，他都要刻意keep fit，就算農曆新年有他最愛的年糕、蘿蔔糕，他笑言要「盡量」忍口。

黃建東認被搞笑之路選中型不起 反獲友人鼓勵：話唔定係下個黎耀祥【下一頁】

他表示每年都有行花市的習慣，「我想行個大運，通常喺年三十晚，約埋好朋友去維園掃平貨，過咗12點後去，我好鍾意行花市嘅感覺，呢幾年，多咗人認得自己，最開心係花市啲人同我影相，老闆、店主會送嘢畀我，收到佢哋鼓勵嘅說話係最好，好似呢幾個月，有啲人話『我有睇你全能司儀比賽，你真係得㗎，你加油呀，你會更上一層樓㗎！』呢啲窩心說話，喺花市度聽到會最開心！」

黃建東選港男被睇死滿地眼鏡碎 拍二創搞笑片：唔使憂三餐【下一頁】

{{hket:inline-image name="273114759_359956302300648_4739623422429315472_n.jpg"}}{{/hket:inline-image}}

去年，黃建東獲邀到阿姐（汪明荃）家中拜年，他笑言很期待今個大年初一，同樣到阿姐家中，他笑說：「為我覺得好開心，覺得件事好美滿。」對於阿姐曾大讚黃建東有個人風格，口齒伶俐，多才多藝，有前途，黃建東獲阿姐肯定及鼓勵，他坦言很高興及榮幸，說：「好多謝阿姐，一個咁成功、咁殿堂級嘅前輩，咁樣公開讚賞我，係一個好大強心針，阿姐願意畀我同佢做朋友，我好感恩，例如去佢屋企拜年，以前一齊行山，我喺佢身上學到好多嘢，我好欣賞佢雖然做得咁好，但佢仍然搵緊新嘗試，呢個係好值得後輩學習。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】