MC張天賦首場演出自殺式歌單未感滿意 自爆換衫攝鞋墊爽快完場：唔想假encore

歌手MC張天賦首次紅館演唱會《This is MC》昨晚紅館開騷，事前揚言會向亡父致敬的他，其中一個環節連唱《記憶棉》、《青春常駐》、《乾》、《單車》等歌曲，並站在一隻巨型手掌上面，舞台上央是一個巨型面頰，完成一刻他眼濕濕望向上空，感觸良多。

同場加映：蘇麗珊轉跑道做歌手要有強大心臟 負評不上心 感恩男友成最大後盾

{{hket:ul-video id="7408"}}{{/hket:ul-video}}

MC張天賦個唱邀《造星》B4組做嘉賓 阿Jer演唱會意外後5個月再踏紅館【下一頁】

{{hket:inline-image name="DSC06247.jpg"}}{{/hket:inline-image}}

{{hket:inline-image name="DSC06230.JPG"}}{{/hket:inline-image}}

{{hket:inline-image name="DSC06224.JPG"}}{{/hket:inline-image}}

演唱會特設超市手推車的環節，MC坐在手推車上自嘲多次在超市被偷拍的事，隨後MC在不同環節中自嘲矮、MK仔，又在感謝環節多謝五位為他穿衣服的工作人員，自爆除了換衫戴首飾外，還要攝鞋墊忙過不停，非常搞笑。完騷後接受訪問，他坦言個唱有好多第一次，面對四面台觀眾，MC豁出去照樣同握手，成為疫情後第一個有得握手的演唱會，搞到觀眾High到爆！不過自己對演出都未太滿意，「畢竟係頭場，對好多因素都係未知，冇乜安全感，對頭半段表演未太滿意，完晒總算放低三份一嚿大石。好多方面都好大壓力，出場當下雖然好慌，但呢Part好型呀嘛，我同自己講點都一定要Chok出嚟，經過今日之後相信之後會好啲！」

提到好多圈中人捧場，連李嘉欣行動不便拐住腳都有進場支持，MC說：「我知好多圈中人嚟提，多謝大家支持，（女朋友仔Lucy李元元都有）係呀！我見到佢坐正中間第一行，不過可能音響太大聲，好似唔太投入到，但我望佢好多次。」對於《全民造星II》Team B4舞台重聚，MC表示：「呢個係好感觸的一部分，呢個騷叫《This is MC》，好多人認識我都係因為呢個節目，佢哋嗰個時期正係同我並肩作戰的好兄弟，所以我同佢哋一齊分享呢個舞台，真係好感動。(兌現呢個承諾！）耐都我已經唔記得喇，三、四年之前，希望繼續努力，佢哋幾個繼續喺音樂上面追夢。」

MC張天賦紅館騷望與亡父有連結 最怕體能唔夠搵「賦二代」幫手？【下一頁】

在演唱會尾聲，MC大大聲話Part2見，歌迷們興奮莫名，他事後解釋：「其實係我口快快，我自己想做Part2，今次美中不足係新歌真係太遲推出，得一、兩日時間，我希望有Part2，等歌迷聽定做足準備，可以一齊去聽同唱，個體驗會更加好。」向爸爸致敬環節時，MC將說話的環節刪除，他坦言導演有建議過他開口講幾句，但他認為很多想法都表達在歌曲上面，「喺我角度係已經消費緊呢件事，所以唔講放在心中。」

{{hket:inline-image name="DSC06452.JPG"}}{{/hket:inline-image}}

{{hket:inline-image name="DSC06436.JPG"}}{{/hket:inline-image}}

MC坦言演唱會是自殺式歌單，還有兩場演出，所以不太敢嗌，好怕會失聲希望呢兩場可以保留狀態。他感謝「賦二代」的應援，送上全部最易肥的食物，「原來壓力大真係食唔安瞓唔落，連我平時最鍾意食飽魚都唔想食，放心，完騷會狂食，（Part2先露肌肉？）冇冇冇，經過上次經驗我唔會再開大口，但答應大家會唱好啲歌，除衫？留神秘感先係最吸引，第一個紅館就畀你睇晒，咁我下次咪冇？（冇encore？）傾Rundown時有諗過預設一個，但我覺得預設就唔係真encore，真encore有意思好多，唔好假encore，不過之後兩場會好好諗吓！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

攝影：王華婷
責任編輯：楊安莉