炎明熹將於年初五《愛回家》登場 演自己喺新威龍廣場搞粉絲聚會

《愛回家之開心速遞》農曆新年期間都播出多集跟新年有關的主題，明晚年初五將會再送驚喜彈，早前被爆將會客串演出的「聲夢傳奇」冠軍炎明熹（Gigi）將登場客串演出，據知Gigi在劇中將演自己，更會引發連串事件。Gigi揚言自己由小學開始已經是《愛回家》捧場客，能參與其中大感興奮，「我有追開《愛回家》，時間許可，我會準時八點鐘喺電視面前觀看，佢哋嘅內容會令到我睇完之後好開心，佢哋每集又會帶出一啲訊息，我覺得好生活化。呢個 處境劇我係由細睇到大，小學時係《八時入席》，之後再到後尾有唔同系列。」

同場加映：愛回家丨張景淳呂慧儀初三赤口愛鬥嘴 感激龔水黨睇得投入 期待龔丸出世

{{hket:ul-video id="7470"}}{{/hket:ul-video}}

炎明熹登內地春晚造型百變有驚喜 粉絲驚心動魄一幕：好驚佢觸電【下一頁】

{{hket:inline-image name="7fbeb6a0-f8d2-41cb-ae72-45d9fb8b20c0_600.jpg"}}{{/hket:inline-image}}

Gigi透露將會跟劇中不同的角色真正合作，感覺既榮幸又夢幻：「真係不可思議，冇諗過以前甚至而家睇緊嘅劇，會有機會遇到佢哋（劇中角色），雖然有時喺TVB會遇到大家，但唔會真係話傾偈嗰種。」Gigi續指劇中最尊敬角色是丹爺劉丹，並爭取機會與對方合照：「我知佢做咗好耐《愛回家》，我好開心可以加入呢個大家庭，因為我見到佢哋好似屋企人咁相處，佢哋會互相叫對方阿爸、家姐或者阿妹，然後佢哋亦都好照顧我。」

雖然不是首次拍劇，不過Gigi對拍攝仍然相當有好奇心，她大讚劇中道具相當像真：「我覺得有個好得意嘅地方，我一直以為新威龍廣場係一個真嘅廣場，然後Key個名落去，後來我知道原來係一個廠景，係特登搭出嚟，我覺得好神奇，同埋入面啲產品同店名都好得意，同嗰個𨋢真係好真。」Gigi更透露希望日後能多點拍劇，因為她很喜歡和公司的幕後工作人員相處，皆因很有愛，Gigi 說：「我一直好想拍劇，我覺得拍劇好有趣，我好鍾意同工作人員相處，拍劇時真係會經常對到大家，而佢哋真係非常之好，好似屋企人咁，所以我希望儲多啲經驗同能力後再拍劇。」

Gigi炎明熹回內地探嫲嫲曬溫韾合照 細個齊蔭冬菇頭肥嘟嘟非常可愛【下一頁】

{{hket:inline-image name="679ab0cfgy1gx1ogrpruqj22w62w6hdt_600.jpg"}}{{/hket:inline-image}}

喜歡挑戰自己的Gigi，更笑言沒有特別想做的角色：「因為咩角色都想做。」說話內容充滿童真的 Gigi，笑著訴說拍攝當日遇到兩名相當可愛的小朋友，並很高興對方提出合照要求，Gigi當時還拿出兩顆朱古力氹小朋友開心，行 徑與小朋友一樣可愛，Gigi 興奮地說：「嗰日誤打誤撞帶咗兩粒朱古力，其實原本我係想試吓個味，因為冇食過，最後我就一人一粒畀佢哋食，啱啱好，Yeah！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉