愛回家丨吳麗珠兩度客串飾演阿壯媽咪 焦浩軒：終於同場演戲超級興奮

《愛回家之開心速遞》昨晚一集「拜年危機」，阿壯（焦浩軒飾）起初認為拍拖日子短短幾個月，並不打算安排女朋友Heidi（關嘉敏飾）到訪屋企拜年，加上擔心Heidi的獸性在壯媽（吳麗珠飾）面前表露無遺，所以避得就避。不過，後來才知道Heidi好想見對方家長，但就有三不政策，不煮飯、不洗碗、不斟茶遞水，阿壯擔心傳統媽媽會介意，刻意阻止兩人見面。

同場加映：愛回家丨張景淳呂慧儀初三赤口愛鬥嘴 感激龔水黨睇得投入 期待龔丸出世

{{hket:ul-video id="7470"}}{{/hket:ul-video}}

愛回家丨阿壯久罕出Pool兩女一男點揀？ 焦浩軒：角色已經拍過10次散拖【下一頁】

{{hket:inline-image name="327016524_874600933744243_4245840689028643921_n.jpg"}}{{/hket:inline-image}}

醜婦終須見家翁，Heidi同壯媽終於碰到兼約食飯，Heidi都乖乖做足原本話「三不」的事，令壯媽都大感安慰。其實壯媽早於第515集「夏蕙的誘惑」就已經出現過，同樣是由吳麗珠飾演，不過上一次兩母子未有機會同場，今次母子倆終於「團圓」。

焦浩軒接受《晴報》電話訪問，他表示：「其實係第一次同佢合作，雖然幾年前嘅515集佢第一次出鏡，嗰集係講我同個機械人結婚，而佢係極之反對，但最終我係冇同佢合作到。今次終於有得見到媽媽同佢同場演戲超級興奮，我相信電視嘅觀眾都好開心可以喺《愛回家》見到麗珠姐。佢好平易近人，好容易就同佢可以擦出火花，希望將來會再有機會繼續向佢學習！（現實生活有冇帶女朋友見家長？）冇呀，希望下年可以！」提到他在劇中的近鏡鏡頭，嘴唇上面位置潰瘍，傷口非常明顯，問到會否拍劇捱夜所致？他笑言：「唔係呀，身體抵抗力差，所以就病咗，不過而家日日都會做返gym keep番好個身體，等兔年可以迎接更多嘅工作！」

{{hket:inline-image name="ng14.jpg"}}{{/hket:inline-image}}

{{hket:inline-image name="ng15.jpg"}}{{/hket:inline-image}}

{{hket:inline-image name="ng17.jpg"}}{{/hket:inline-image}}

{{hket:inline-image name="ng5.jpg"}}{{/hket:inline-image}}

{{hket:inline-image name="ng10.jpg"}}{{/hket:inline-image}}

愛回家丨阿壯率吉宜屋兄弟姊妹搞喪禮 Rap住抬棺神還原黑人網絡影片【下一頁】

現年62歲的吳麗珠畢業於1980年第九期無綫電視藝員訓練班，後來主力在綜藝節目《歡樂今宵》中擔任「歡樂小姐」，後逐漸成為該節目的重要成員，因模仿多位知名女星而為人熟知。1995年後，隨着《歡樂今宵》無限期停播，吳麗珠淡出電視圈，轉行成為地產經紀。

近年，吳麗珠先後在亞洲電視、ViuTV都有參與劇集或者綜藝節目的拍攝工作，而《愛回家之開心速遞》中，吳麗珠都先後客串過四次，除了515集和最新一集演壯媽之外，她在768集和919集都先後飾演過崔老母和家長。而閒時她不時悉心打扮出席圈中長輩的壽宴或者飯局，保養得非常之好。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：娛樂組