Edan生痱滋搽藥痛到七情上面 妹妹小如豬拍片笑到傻

男子組合MIRROR成員呂爵安（Edan）在巴黎出席Fashion Week，剛剛回港，昨晚上載一段在洗手間內搽痱滋啫喱膏的短片，向來沒有偶包的他，痛到踎低兼合埋眼，表情十分誇張，Edan在IG限時動態引用歌曲《小諧星》三句歌詞「用我痛苦表情，換你那好心情，留低這半條命」來形容這次經歷，並留言「btw請記番我係百大型男thanks」。

同場加映：Patrick Sir關宛珊一家四口最緊要開心 疫情BB洋蔥頭牙牙學語識拜年

{{hket:ul-video id="7475"}}{{/hket:ul-video}}

{{hket:inline-image name="51.JPG"}}{{/hket:inline-image}}

{{hket:inline-image name="50.JPG"}}{{/hket:inline-image}}

片段中，Edan束起前額的頭髮，手執一支塗上痱滋啫喱膏的棉花棒，在左邊脷底附近位置的痱滋上，點了一點，他即時痛得合上眼睛，踎在地上，狀甚痛苦，負責拍片的妹妹小如豬不停笑，笑問：「Are you ok？」Edan只能「呀」的一聲作回應，於片尾他說︰「我係偶像，我真係㗎！」

Edan拍親密戲被要求食薄荷糖 苦笑：「可能驚我臭親人！」【下一頁】

Edan笑指這條片段名為「痛到往生」，是「第26屆爵安影片盃」青年組冠軍作品，稱︰「此片段使用高超的拍攝及剪接技術，加上有趣生動的特效和音效，完美表達『痛到往生』究竟有幾痛，生痱滋究竟有幾慘？真是難得一見的佳作。」又指本來沒想過post這段片出來，「因為條片真係有D樣衰（其實都唔係D咁簡單，起碼都有E），話晒我始終都係個idol，好似唔係咁好，冇諗過全家人睇完條片都覺得好好笑，令我諗起：啊！其實我做idol做到生痱滋，本身都已經好好笑，咁又有乜所謂呢？所以我決定要同大家分享呢份喜悅，要令更加多人笑，就決定報埋全球最top嘅『爵安盃』。冇諗過，我竟然得咗。」他透露「痛到往生」後，已經好好多了。

MIRROR 4子入圍百大型男贏碧咸 Edan認實至名歸：自信心大增【下一頁】

{{hket:inline-image name="30.JPG"}}{{/hket:inline-image}}

圈中好友陳子豐給Edan留言：「請跟用法指引，放上去患處停留十秒，你一秒都無喎！」亦有不少爵屎（Edan fans暱稱）紛紛留言，有人提出可減輕痱滋痛楚的方法，「建議食純維他命B2，輕則一日就冇，重則三日就退，搽嘢冇咩用」，還有人表示睇片睇到忍不住笑，「post條痱滋片都打咁多字，真係服咗你，見你咁認真，畀個like你啦」、「點解你可以冇偶包到呢個程度？好正」、「我偶像成日將佢嘅痛苦擺上嚟要令我哋快樂，真係令到我哋班爵屎嘅心理、道德同價值觀層面長期處於非常矛盾嘅情況」。

{{hket:inline-image name="31.JPG"}}{{/hket:inline-image}}

{{hket:inline-image name="32.JPG"}}{{/hket:inline-image}}

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】