「鬥雞眼」魚頭允感謝白彪帶入行 「試過一日賺超過十萬」

身兼演員及龍虎武師的劉允，有一對鬥雞眼，行內人稱呼他為魚頭允，自70年代開始參與過百部電影，包括《師父教落》、《鐵板燒》、《福星闖江湖》、《喋血雙雄》、《機動部隊-同袍》等；劇集方面，就演出過《成功路上》、《大頭綠衣鬥殭屍》、《美味天王》等等。近年，由於白彪的關係，更獲邀客串《愛回家之開心速遞》，飾演熊樹根（劉丹 飾）金剛門的同門師弟關炳。

同場加映：吳偉豪去年成功甩醜聞大翻身獲獎 與周嘉洛同舟共濟求進步冇分先後

{{hket:ul-video id="7504"}}{{/hket:ul-video}}

{{hket:inline-image name="800_1af7896e78382a97d2b530cc527cfede.jpg"}}{{/hket:inline-image}}

{{hket:inline-image name="326266710_498727795776025_4515667588402569217_n.jpg"}}{{/hket:inline-image}}

2019年，劉允在第38屆香港電影金像獎獲頒「專業精神獎」，當晚才得知他是白彪（原名劉國榮）的親弟，兩兄弟早前接受由楊紹鴻主持的港台節目《一起走過的歲月》，白彪表示當年帶弟弟入行做武師，「武師呢行都好搵，搵到食，60年代，搵70蚊一日，未入行前，我哋喺織布廠做毛衫，搵2、30蚊一日已經好威，我入咗電影行，我叫阿允唔好做織機，跟我入行。」

《愛回家》魚頭允驚喜客串做金剛門師弟 腦膜炎曾被棄養 靠動作片養家【下一頁】

對於劉允由武師跳出幕前，擔演諧趣角色，劉允說：「當時有個導演要搵3個對眼都唔同嘅演員，搵咗『大細明』（宋錦成）、『射籬杜』（杜少明），搵埋我『魚頭允』，但仲爭一個，於是搵咗個劇務『射籬深』，我哋4個喺七聖廟一間舖仔拍一場打麻雀嘅戲，有個阿婆一睇就笑，『呢4個人咁得意嘅，打麻雀都唔係望住麻雀枱嘅，你眼望我眼，我眼望你眼。』係咁笑，導演咪覺得得意囉。點知部戲大賣，賣座賺錢，繼續拍多部，我同杜少明又拍，吖！又賣座喎，嗰陣時唔係收好多，1000蚊一日，製片問我片酬收幾多，我話2500蚊一日，拍吓拍吓又hit喎，諗諗吓，我再升到5000蚊一日，肥喇！日日有工開，一日拍兩組，一日賺一萬蚊，試過一日賺得最多，係超過十萬，開工冇得返屋企，（片酬）咪塞入褲管；做到1990年，冇乜喜劇拍，咪做番幕後囉！」

提到劉允獲得金像獎的「專業精神獎」，白彪大讚弟弟，「佢人緣好，乜都肯做，導演話乜，佢就做乜，佢嘅工作精神又好，所以呢個獎佢攞係ok嘅！」劉允表示得到獎項，獲得同行認同及肯定而感到很開心，他亦很感謝哥哥白彪帶他入行。

舊日的足跡｜白彪自爆曾怒掟花樽險離婚收場 留羊咩鬚改運拎埋「最佳男配角」獎【下一頁】

{{hket:inline-image name="1342543.JPG"}}{{/hket:inline-image}}

此外，白彪是《射鵰英雄傳》「第一代郭靖」，他憶述當年佳藝電視開台，有一日收到監製蕭笙託人致電，邀請他去試鏡，終獲委派飾演郭靖，「嗰陣時，《射鵰英雄傳》夠膽死得7集存貨就即刻播出，當時第1集去韓國拍雪地鋤奸，都拍咗17日，拍一集都要拍4日，7集存貨就出街？點播呀大佬？直頭冇得瞓，我記得洪七公嘅打狗棒，我同米雪企喺度，我係7日7夜冇瞓，嗰條打狗棒頂住我條腰。我同人講，到我嗰陣輕輕推我，但我擘大眼都諗唔到要講咩，嗰陣係咁樣完成一部劇，奇怪套劇就大爆。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】