Anson Kong@MIRROR難捨愛貓離世錄低「花花」心跳 感謝20年陪伴：完整了心靈拼圖

MIRROR副隊長江𤒹生（Anson Kong, AK）是貓奴一名，高峰時家中養了7隻愛貓，分別是花花、叮叮、豬仔（Tiger）、波子、Mimi、噹噹和芝麻。隨著時間流逝，貓貓各自因為年老或身體健康問題相繼離去。日前AK養的第一隻貓「花花」年老離世，AK錄低「花花」心跳聲，他說：「把你的心跳錄下來，感覺你仍然在，我哋真係好掛住你，好唔捨得。」又出po多謝愛貓20年來的陪伴，感激對方的出現，完整了他的心靈拼圖。

同場加映：健身室開張丨關曜儁快將做爸爸緊張到發噩夢 《下流》羅毓儀新年狂食求救減肥

{{hket:ul-video id="7514"}}{{/hket:ul-video}}

{{hket:inline-image name="326426678_1379704769471597_6188308782061596331_n.jpg"}}{{/hket:inline-image}}

AK在IG po與花花的合照，寫道：「花花畢業了，多謝你20年的陪伴，成為我哋第一隻貓。轉眼間20年，這幾天一直回想這20年的點滴，你見證住我們成長、升中學，唔見咗張志願表...陪我一齊係屋企搵。第一次拍拖、失戀、考試考得唔好...雖然我冇乜邊次係好，踢學界，贏波好、輸波好、唱sing con唱到一pat屎畀人笑、會考、去到讀完書開始追夢、每一次比賽、面試嘅失敗，直至造星到現在...」

AK感謝愛貓陪他度過所有開心及不開心的回憶，讚花花從來都不會爭寵，好乖，「你之後...屋企都嚟多咗幾隻貓，我知你有時會呷醋，但你從來都唔會爭寵，永遠都讓咗細佬妹先。你就係咁乖，每朝望住我哋出門、每晚等我哋收工再錫我哋...傻妹，無論我哋之後仲有幾多隻貓都好，你永遠都係我哋最錫最愛最特別的一個，知道嗎？」

{{hket:inline-image name="327952207_872002730774872_5389821518649897984_n.jpg"}}{{/hket:inline-image}}

花花今年20歲，一直好健康，AK讚愛貓已經好叻，「感恩你最後嘅時間，沒有特別病痛。只是真的老了，時間夠了。其實咁耐以嚟你都係最少病痛，最少睇醫生。好開心你可以健康地陪住我地20年，你真係好叻，差唔多100歲啦！本來仲諗住同你挑戰吓啲乜嘢長壽貓紀錄，但而家已經好叻好叻！」

在花花最後的日子中，AK陪伴著牠，「最後呢段時間，每日都有回來看你。你離開前一晚，我也可以在你旁邊一起睡。我哋差唔多有10多年冇咁樣一齊瞓，當晚一直看著，拖着你的手，感受你嘅溫度，陪你到最後...我哋真係好唔捨得你、好唔捨得...我知你會一直看顧住我哋...」

AK向花花承諾，自己與兩個兄弟會好好照顧屋企及父母，「我會好努力做應承你嘅嘢，你而家去搵細佬玩啦，我哋遲啲再見！」最後亦感激因對方的出現，完整了他的心靈拼圖。「謝謝你教懂我如何去愛，人嘅世界有好多事情，但寵物嘅世界永遠只得你。我一直把你當成家人的存在，人成日都以為仲有大把時間，其實生命就是減數，會好好記住我同你嘅回憶。謝謝你的出現，完整了我的心靈拼圖。現在你離開，拼圖的缺口會一直存在，我會學習同佢共存。期待一日再同你相遇，一齊再完成呢一塊拼圖。我哋永遠都愛你，再見，妹。」

AK去年10月因個人決定離開「生粉」的TG Group，令不少「生粉」大感可惜，不過他們都非常體諒偶像需要私人空間。而由於花花的離世，AK未知是否有感「生粉」們的憂心，他今晚突然重返TG Group向「生粉」們報平安，他留言說：「收到大家的關心，放心，我會無事的。見到大家嘅圖，多謝大家為我同花花保留一些回憶，謝謝！」而他又將「我係老細」改為「我係老闆」。

{{hket:inline-image name="39978475_471004900070055_5136733010884991411_n.jpg"}}{{/hket:inline-image}}

AK狂收美加「生粉」禮物曬冷 眼利Ian見到自己名：幫手轉交【下一頁】

撰文：娛樂組