中年好聲音丨單立文激讚吳偉豪與其爸爸相認 吳大強成為「新一代」行走的CD

無綫綜藝歌唱真人騷《中年好聲音》， 昨晚播出的第九集，是第三部曲次回合「影視金曲生死鬥」，20強選手獻唱經典電影或劇集的金曲作賽。是集誕生了5位80分以上選手，分別為顏志恒、林鉫徫、吳大強、周吉佩及羅啟豪，吳大強更豪取92分成為該回合最高分。

同場加映：吳偉豪去年成功甩醜聞大翻身獲獎 與周嘉洛同舟共濟求進步冇分先後

{{hket:ul-video id="7504"}}{{/hket:ul-video}}

吳大強獻唱英文老歌《Quando Quando Quando》，自信十足，邊唱邊跳， 非常Enjoy舞台，張佳添評：「Bill哥哥，一個字，professional！」周國豐則說：「今日聽第一句已經有聽CD嘅感覺，唔似係唱live嘅版本，非常之好。」《愛．回家之開心速遞》的單立文則與大強搞笑相認，「你係朱Ling（吳偉豪 飾）老竇，我係朱Ling嘅師傅，好慶幸朱Ling喺你教導底下，成為一個大好青年。」

{{hket:inline-image name="0.JPG"}}{{/hket:inline-image}}

獻唱《沒那麼簡單》的林鉫徫發揮出應有水準，奪得80分順利過關，笑言終於 「對準支咪」，伍仲衡大讚她「唱歌非常之好」；至於分數為何未能更上一層樓？伍仲衡這樣說：「你不嬲都唱得好，我對你真係有特別期望，你今日揀呢首歌好啱你把聲唱，點解唔畀再高分，我略嫌你too technical！」

至於獻唱《刻在我心底的名字》的周吉佩則獲得82分，自彈自唱為其增添不少分數，伍仲衡說：「玩樂器加分，彈得好，唱歌都有story telling嘅感覺。」獻唱《獅子山下》的羅金榮只得63分，一度跌落危險區取代李思林位置，之後被獻唱《夢中人》取得61分的梁愷庭取代；後者被批似唱K，張佳添直指對方Ad libitum部分表現不理想。

昨晚最後出場的區俊傑獻唱《明天仍要繼續》，評判認為似唱K，欠缺個人特色，只得60分成全晚最低分，被淘汰。即使細分給予14分最高分的張佳添，亦認為區氏用聲關係令歌曲唱出來欠共鳴感，「好多時八、九十年代唱K好似唱得好叻嘅人，都會犯一個同樣錯誤，就係唔識用聲，喉嚨未放鬆，所以你把聲好似幾靚...但係唔知爭啲咩，你就係冇chest voice。如果你滲到chest voice出嚟，共鳴會靚兩倍。」 單立文則打比喻說︰「你係銀行從業員，成日摸住啲銀紙，但啲錢唔係自己嘅，對住人哋啲錢邊有感情？你似用咁嘅心態去唱。喺我嘅音樂世界，感情佔好高嘅分數，你就係因為冇感情同太平淡。」

撰文：娛樂組

圖片來源：大會提供