TVB劇集《新四十二章》昨晚（30日）首播，第一集劇情，講述男主角章經（陳豪 飾）如何認識女主角螢嬌（龔嘉欣 飾），及幫女助手李爾君（李君妍 飾）去解決孫來弟（姚瑩瑩 飾）跟胞弟孫家耀（施焯日 飾）的爭產風波。邵桂芝（江嘉敏 飾）在尾段出場，未有交代其角色背景，第二集預告，兩人在街頭偶遇，被人追殺...至於周嘉洛、鄺潔楹、鄭子誠及譚凱琪等人扮演的角色，首集未有出場。
同場加映：健身室開張丨關曜儁快將做爸爸緊張到發噩夢 《下流》羅毓儀新年狂食求救減肥
{{hket:ul-video id="7514"}}{{/hket:ul-video}}
陳豪扮演大學中文系教授，憑其豐富知識，協助姚瑩瑩爭產，並借助龔嘉欣的天生神力，打退關曜儁帶領的搞事份子。對於現年52歲的姚瑩瑩，跟相差30年的施焯日飾演兩姊弟，觀眾不太接受，在官網上提出疑問「姚瑩瑩可以演施焯日阿媽」及「差30年演兩姊弟」。有網民極速幫TVB解答「老來得子」，也叫講得通。
其實現實中姚瑩瑩確有一子，於2011年6月誕下梁淦賢（Evan），至今兒子11歲。她未有打算結婚，圈外男友身分未有公開。就算如網民所言，要姚瑩瑩飾演施焯日媽媽亦不會突兀，加上施焯日有點baby face，他在《黯夜守護者》就是飾演18歲的不良少年Jeff。
新四十二章︳陳豪龔嘉欣前世係《鹿鼎記》勁人 江嘉敏演「小桂子」韋小寶？【下一頁】
此外，多數網民對《新四十二章》給予正評：「有新鮮感！加油！加插了基層元素，好」、「好睇，節奏明快，會繼續追看」、「有睇頭，陳豪啲戲係好睇，而且噱頭多多，仲有穿越清朝及現代，會天天追劇」、「最特別是連上梁朝偉版嘅《鹿鼎記》，仲可以聽番哥哥嘅《始終會行運》」、「睇咗第一集好新鮮，好好睇，好似《尋秦記》，會繼續追看」、「台慶月照上唔使讓路畀《法證先鋒V》咪好囉！呢套嘢起碼輕輕鬆鬆有啲笑料，嗰套劣評如潮。有時啲『膠層』真係唔知點樣諗，仗都唔曉打」等。
（↓點擊放大睇圖片↓）
- {{hket:inline-image name="Image08.jpeg"}}{{/hket:inline-image}}
當中網民提及的舊版《鹿鼎記》片段，正是韋小寶（梁朝偉 飾）跟鰲拜（關海山 飾）在獄中的打鬥場面，是《新四十二章》內螢嬌出現頭痛閃現的腦海畫面，緊接邵桂芝水中閉氣，二人的身分呼之欲出，再加上片尾播出張國榮唱的《鹿鼎記》主題曲《始終會行運》，令不少人大感興奮。
撰文：娛樂組
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】