晚吹- 戀講嘢丨楊埕重提與前男友糾紛上C1事件 恐怖情人亮刀：殺咗你再跳樓

有「翻版張栢芝」之稱的藝人楊埕，2014年參加港姐時因合約問題退選，2017年加入TVB，曾於劇集《黃金有罪》飾演舞女。楊埕2020年6月與屈姓男友Marco發生桃色糾紛，事後佢以涉嫌傷人被拘捕，Marco則以涉嫌「藏有攻擊性武器」、「普通襲擊」及「刑事毀壞」一同被捕。楊埕透露經警方搜證後二人均不獲起訴，事件已平息，佢當時仲表示已原諒前男友酒後失控的行為。

同場加映：  健身室開張丨關曜儁快將做爸爸緊張到發噩夢 《下流》羅毓儀新年狂食求救減肥

{{hket:ul-video id="7514"}}{{/hket:ul-video}}

楊埕日前現身ViuTV節目《晚吹- 戀講嘢》重提事件。楊埕指兩人透過朋友介紹結識，初時對方好紳士，被前男友嘅體貼打動。但男方之後漸露本性，曾經喺酒後對摰友動粗，但楊埕都未感危機，只會警告男友一下。疫情期間，對方開始酗酒，令問題變得嚴重，楊埕憶述:「我哋搭的士，助手都在場，因為已凌晨兩三點，所以想送佢返屋企，但佢嘈話要去其他地方，唔畀佢去就跳車，講完就拉門跳咗出去。當時車速約時速60至70公里。」楊埕指幸好當時唔多車，冇釀成更大意外，男友亦「斷片」，過後稱唔記得發生咩事。

{{hket:inline-image name="What.jpeg"}}{{/hket:inline-image}}

男方承諾改過，但一個月後故態復萌，楊埕感嘆：「唔好以為自己偉大到可以改變一個人，係不可能。」楊埕開始疏離對方，只喺大時大節應約，但對方冇察覺，甚至已準備求婚戒指。楊埕指對方曾為分手情緒勒索，跑上露台企跳以死相逼：「我諗佢身體已有六至七成跨出去，腳已經凌空不著地，我跑去捉住他，將佢扯落地。」佢亦生怕對方真係會自殺：「好多人得個講，但佢真係做得出，有咩不測佢怪我，或者佢身邊嘅人怪我……」

之後楊埕決定唔再見對方，不再受威脅，但對方死纏爛打，曾於凌晨酒後於門前大吵大鬧，驚動兩老。楊埕更表示兩人拍拖一年間，對方曾打爛電視、電話，更曾於街上推跌佢。當佢想拎返個人物品時，男方事前將佢嘅貴重物品同電腦交畀朋友，令佢無法取回。

楊埕打算趁對方外出時取走物品，但男方當日提早返到，二人撞到正。當時男方又飲醉，激動擸刀，楊埕表示：「佢拎住好長嘅水果刀拮埋嚟，然後我同佢抗衡。佢自言自語：『你唔復合吖嘛？我殺咗你再跳樓。』呢句話重覆咗幾次。」對方激動到鍊住楊埕條頸，楊埕更被刀𠝹面，到佢走時，對方突然用刀整傷自己，之後楊埕赤腳跑落樓報警。

雖然成功逃脫，但事件卻對她的星途造成很大影響，令佢失去唔少工作機會。佢亦稱因事件造成心理陰影，甚至一度連切生日蛋糕都驚，都唔敢再進出廚房。另外，楊埕同呢任男朋友亦曾因第三者而鬧出不快事件，楊埕2019年於IG留言，並以「#港姐MissM」及「#MrW」Hashtag某香港小姐及當時男朋友鬧爆：「不懂得拒絕女生的男人非斬不可！當女友在旁，照顧所有朋友是盡顯風度。出雙入對只照顧一位剛認識的是盡顯風流！作為女生有自信是好事但莊閒要識分！」楊埕並無對外公開Miss M身分，而英文名M字頭嘅港姐分別有劉佩玥（Moon）、麥明詩（Louisa Mak）、黃智雯（Mandy）、阮嘉敏（Mandy）、邱晴（Mandy）、麥美恩（Mayanne）及文凱玲（Connie Man），呢7位港姐成最大嫌疑人。

圖片來源：Instagram