緋聞情侶︳郭柏妍丁子朗受訪全程尷尷尬尬 避談朝夕相對培養出真感情

無綫新劇《奪命提示》今日於電視城舉行拜神儀式，陳山聰、劉佩玥、張振朗、劉穎鏇、丁子朗、郭柏妍及監製文偉鴻等一齊出席。當中以緋聞情侶郭柏妍同丁子朗最受注目，皆因這次是二人爆出緋聞後，首次公開見傳媒及做訪問，難怪受訪時全程尷尷尬尬。

{{hket:inline-image name="DSC_4469.JPG"}}{{/hket:inline-image}}

{{hket:inline-image name="DSC_4213.JPG"}}{{/hket:inline-image}}

同場加映：吳偉豪去年成功甩醜聞大翻身獲獎 與周嘉洛同舟共濟求進步冇分先後

{{hket:ul-video id="7504"}}{{/hket:ul-video}}

提到近日傳出「撻著」消息，丁子朗表示：「通常都係套劇出街先有咁嘅新聞出街，我哋套劇都未出街，拜神又未做，已經有咁嘅新聞出街，我都有少少愕然。（《下流上車族》CP太成功？）上一套佢嘅『芊芊』角色，同埋劇集嘅好成績，有人鍾意係一件好事。」追問二人發展的機會？郭柏妍口快快：「我哋都係做嘢先。（用我哋形容？）係我，sorry，我都係做嘢先，啱啱開工又第一次拍打戲，自己都係解讀中、努力中。」

郭柏妍傳撻著丁子朗借工作放閃 首次回應緋聞夾晒口供答案一致【下一頁】

據知《奪命提示》會拍半年時間，讓二人慢慢培養感情。丁子朗同郭柏妍即拉同劇演員做擋箭牌話：「係培養我同山聰、振朗嘅感情？」郭柏妍接住講：「因為我哋六個人同一個team，六個人可以喺呢半年培養感情。」笑問是否培養出真感情時，丁子朗即幫口答：「我哋友誼感情係真嘅。」再追問朝夕相對會否擦出愛火花？郭柏妍繼續避談，她說：「喺劇入面係情侶啫，就係咁！」追問對方是否自己喜歡的類型？丁子朗面紅紅說：「我哋真係一齊拍嘢嘅朋友…」

至於今次有否激情場口拍攝？丁子朗表示：「冇，我哋戲中好清純。（想叫監製加戲？）有啲咁嘅事？都係跟劇本行，我哋呢pair的確係清純啲，戲中演入職嘅新人，現實中亦係新人，所以好多嘢向其他人學習，係冇佢哋做得咁多。（若果監製加親熱戲會接受？）會尊重監製同劇本，我哋作為演員嘅本能就係做好劇本有嘅嘢，的確戲入面我哋係情侶。（劇中會有咀戲？）劇本未寫晒，所以未知。」郭柏妍表明如果劇本有寫親熱戲，亦會跟足劇本去做。

郭柏妍丁子朗疑情侶裝孖住去婚禮 網友質疑兩人拍拖瘋狂搜證【下一頁】

雖然二人表明會跟足劇本去做，不過丁子朗承認緋聞傳出後會影響拍戲，一度口窒窒話：「驚呀，係呀係呀…坦白講我哋真係暫時工作為先，因為而家戲份比較多，同埋我哋場口比較複雜啲，大家角色都唔係咁簡單，又有打戲，自己都未處理到，真係冇時間再去諗其他嘢。監製都好好同我哋講角色係點，點樣做會深入少少。（想深入就要聯絡感情？）係各自各嘅…」郭柏妍認同丁子朗的說話，新角色跟以往不同，需要花時間鑽研先做到。

（↓點擊放大睇圖片↓）

此外，張振朗月中拍此劇時撞傷眉骨要縫七針，他透露傷口已拆線，認為今次是好小事，「想講唔好一受傷就諗埋一邊，遇到咩事都最緊要係正能量，我爭少少就撞正隻眼，所以我唔覺得係唔好彩。（有擔心受傷會破相？）朱敏翰都有條疤，諗起佢都好靚仔，都冇咩影響。」

採訪：Pauline

攝影：林良明

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】