《東張西望》報道過不少社會問題事件，昨晚報道一名80歲婦疑遭親子夾埋護老院禁足，外景主持人李旻芳訪問80歲的翟婆婆，她說疑似被親生仔「穿櫃桶」偷去接近200萬港元的財物。婆婆如此形容細仔，「一向都好純，點知佢而家咁臭檔咁衰啫？冇諗到佢吼住銀行啲...又冇諗過佢入嚟爆我...諗起都瞓唔著！」
同場加映：吳偉豪去年成功甩醜聞大翻身獲獎 與周嘉洛同舟共濟求進步冇分先後
東張西望丨港女幫襯法師落情降挽回前男友 曾聲稱無效退款 到期搬舖玩消失【下一頁】
自從丈夫離世，翟婆婆一直獨居，早些日子不慎跌倒入醫院做手術，康復後打算回家，卻遭細仔力阻，夾硬安排她入住護老院。翟婆婆稱在醫院用學行架，活動自如，拒絕入住護老院，細仔堅持叫車送她入護老院，她隨即致電大仔求救。大仔跟婆婆見面後，打算接她回家，但護老院稱保證人（即細仔）不允許，輾轉大仔一家亦未能探望婆婆，但婆婆的弟弟和弟婦卻可以。婆婆認為︰「佢（護老院）根本同我細仔聯盟咗！諗住要我住三幾年，諗住我三幾年之後會死。」
翟婆婆透露，細仔去護老院探望過她兩次，其中一次哭訴經濟困難，「第一次細仔喊住話：『阿媽，我冇錢，你畀個圖章我啦...』第二次嚟話畀我聽，屋企好亂好似被人摷過嘢，我問佢咁床下底啲金有冇攞到？細仔反問我：『有金咩？』之後就再冇探過我，咁我就知一定係佢兩公婆啦！」她囑咐大仔回家檢查，發現藏在家中不同暗格的177萬現金和15萬金器，合共約192萬的財產全部不翼而飛。婆婆痛失財物，雖然圖章仍在，惟大仔稱找到存款和一張紙，似乎銀行存款也受到影響，節目暫時未交代銀行存款是否同樣被轉走。
東張西望丨屯門良景邨高空擲物掟爛抽氣扇 廚餘防風板照掉落街惹烏蠅蚊患【下一頁】
大仔希望如母親所願，接她回家居住，護老院一直堅持保證人稱翟婆婆有腦退化，不可以離開。大仔找來牌照部協助，終證實媽媽沒有腦退化，所以可以自行決定離開護老院。奇怪的是準備離開當日，護老院揚言婆婆腎臟有事，召救護車送她入醫院，去到醫院時，護老院方面又改口指婆婆神智不清。大仔私下追問醫生，對方稱根本不認為婆婆有神智不清，並勸大仔不要再將她送入護老院。其後，婆婆入住護老院的合約期屆滿，哥哥要求帶媽媽回家，弟弟堅持要求她入護老院，兩兄弟各有各說，意見不一，最終將母親送入療養院。
今晚《東張西望》會播出下集，相信會交代婆婆的戶口存款去向，以及釐清她跟兩個兒子的關係與情況。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
撰文：娛樂組